Narkoloji Mərkəzdə baş vermiş yanğında təqsirli bilinənlərin məhkəməsi davam edir
Bakı/16.10.18/Turan: Oktyabrın 16-da Bakı Ağır Cinayətlər Məhkəməsində hakim Azər Paşayevin sədrliyi ilə Respublika Narkoloji Mərkəzində baş vermiş yanğınla bağlı mərkəzin direktoru, həbsdə olan Telman Məmmədhəsənov, təhlükəsizlik üzrə mühəndis, yanğın təhlükəsizliyinə cavabdeh şəxs Mahir Abdullayev, yanğını törətməkdə təqsirləndirilən Məhəmməd Məmmədov və onun həkimi, şöbə müdiri Afət Məmmədovanın məhkəmə iclası davam edib.
Bir neçə şahid məhkəmənin çağırışı ilə prosesə gəlmədiyinə görə onların barəsində məcburi gətirilmə qərarı çıxarılıb.
Hakim təqsirləndirilən T.Məmmədhəsənov və M.Abdullayevə ifadə vermələrini təklif etsə də onlar hazır olmadıqlarını bildiriblər.
Məhkəmə iclası oktyabrın 19-dək təxirə salınıb.
Bu il martın 2-də Bakının Xətai rayonu ərazisində yerləşən Səhiyyə Nazirliyinin Narkoloji Mərkəzində yanğın olub. Hadisə nəticəsində 26 nəfər ölüb.
Təqsirləndirilən şəxslərdən M.Məmmədov Cinayət Məcəlləsinin 120.2.4 (ümümi təhlükəli üsulla qəsdən adam öldürmə), 120.2.7 (iki və ya daha çox şəxsi öldürmə), 120.2.9 (köməksiz vəziyyətdə olan adamı öldürmə) və 186.2.2 (yandırmaqla özgə əmlakını qəsdən məhv etmə) maddələri ilə ittiham olunur.
T.Məmmədhəsənov və M.Abdullayevə qarşı Cinayət Məcəlləsinin 225.2 (yanğın təhlükəsizliyi qaydalarını pozma, zərərçəkmiş şəxsin ölümünə və ya digər ağır nəticələrə səbəb olduqda) və 308-ci (vəzifə səlahiyyətlərindən sui-istifadə etmə) maddələri ilə ittiham irəli sürülüb.
A.Məmmədovaya isə Cinayət Məcəlləsinin külli miqdarda rüşvət almaya görə məsuliyyəti nəzərdə tutan 311.3.3 maddəsi ilə ittiham irəli sürülüb. -0-
-
- Cəmiyyət
- 16 Oktyabr 2018 18:04
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Xəbər lenti
-
- Siyasət,
- 13:57
- 314
Rəy yaz