Bakı/02.03.18/Turan: Martın 2-də Narkoloji Mərkəzin binasında yanğın güclü külək nəticəsində baş vermiş qısa qapanmadan çıxıb, bu barədə Səhiyyə Nazirliyinin mətbuat xidmətinin məlumatında deyilir.
Yanğın zamanı binada 200-dən çox insan - tibbi heyət və xəstələr olub. "Yanan korpusda 55 nəfər olub. Onların əksəriyyəti təxliyə olunub. Xəsarət alanlar zəruri tibbi və psixoloji yardım göstərilir. Bütün zəruri tədbirlərin görülməsinə baxmayaraq, 25 nəfərin həyatını xilas etmək mümkün olmayıb", deyə məlumatda bildirilir. Amma həlak olanların adları indiyədək açıqlanmayıb. Zərərçəkmişlərin yanğın yerində olan doğmaları və yaxınları qohumları haqqında məlumat ala bilmirlər.
Mənbənin məlumatına görə, yaxın gələcəkdə Bakının Sabunçu rayonunda müasir avadanlıqla təchiz edilmiş 300 nəfərlik yeni Narkoloji Mərkəzin istismara verilməsi planlaşdırılır. -02D-
* * *
2018 Mart 02 (Cümə) 13:38:29
Yanğın nəticəsində 24 nəfər həlak olub (yenilənib)
Respublika Narkoloji Mərkəzində yanğın nəticəsində 24 nəfər həlak olub. Bu barədə Baş Prokurorluq, DİN, FHN və Səhiyyə Nazirliyinin birgə məlumatında deyilir.
Mənbənin məlumatına görə, yanğın martın 2-də saat 06.10-da RNM-nin birmərtəbəli korpusunda baş verib.
Hadisə yerinə dərhal FHN Yanğın Mhüafizə Xidmətinin canlı qüvvəsi və texnikası, Səhiyyə Nazirliyinin "təcili tibbi yardım" briqadaları cəlb olunub.
Ərazinin mühafizəsi və xilasedicilərin maneəsiz fəaliyyəti DİN-in Çevik Polis Alayı və Xətai Rayon Polis İdarəsinin əməkdaşları tərəfindən təmin olunub.
Görülmüş tədbirlər nəticəsində binada olan 55 nəfərdən 34-ü xilas edilib. Onların üçün Respublika Toksikologiya Mərkəzinə yerləşdirilib.
09.13 radələrində yanğın söndürülüb. Hadisə yerinə baxış zamanı 24 cəsəd aşkar edilib.
Azərbaycan prezidentinin göstərişi ilə Baş Prokurorluq cinayət işi açıb. Baş Prokurorluq, DİN, FHN əməkdaşlarından ibarət əməliyyat-istintaq qrupu yaradılıb.
İlkin məlumatlara görə, yanğına binanın elektrik şəbəkəsindəki nasazlıq səbəb olub.
Həlak olanların şəxsiyyətləri müəyyən olunur. -06D-
* * *
2018 Mart 02 (Cümə) 11:36:59
Narkoloji Mərkəzdə yanğın, çox sayda qurban var
Bakı/02.03.18/Turan: Bakıda Respublika Narkoloji Mərkəzində baş vermiş yanğın nəticəsində ilkin məlumatlara görə ən az 10 nəfər həlak olub. Bu barədə Turan-a Səhiyyə Nazirliyinin mətbuat xidmətinin rəhbəri Liya Bayramova bildirib.
Qurbanların sayı dəqiqləşdirilir və çox güman ki, rəqəm artacaq.
Digər məlumatlara görə, 30-dan çox insan təxliyə olunub. 4 nəfər isə xəstəxanaya yerləşdirilib.
Yanğın martın 2-də səhər saatlarında baş verib. Hazırda yanğın söndürülüb. Hadisənin səbəbi hələlik məlum deyil.
FHN başçısı K.Heydərov, DİN başçısı R.Usubov və Narkomanlığa qarşı Mübarizə üzrə Dövlət Komissiyasının rəhbəri, baş nazirin müavini
Ə.Həsənov hadisə yerinə gəliblər. -06D-
Cəmiyyət
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
-
Azərbaycanın Milli Hidrometeorologiya Xidməti fevralın 11-də ölkə ərazisində əsasən quru və soyuq hava şəraitinin müşahidə olunacağını, Bakıda və Abşeron yarımadasında isə arabir buludluluğun artacağını proqnozlaşdırıb.
Rəy yaz