Naxçıvanda məzarların üzərindəki dəmir çərçivələrin məcburi qaydada sökülməsinə başlanıb. Bu barədə Turan-a yerli mənbələrdən məlum olub.
Mənbə bildirib ki, son günlər Muxtar Respublikada məzarların üzərindəki dəmir örtük və çərçivələri məcburi qaydada sökürlər.
“Ata-analarımızın məzarı üçün azı 300 manata başa gələn dəmir çərçivələri sökürlər. İnsanları gor evində də rahat buraxmırlar”, deyə mənbə qeyd edib.
Naxçıvanın bir çox sakini qəbirstanlıqlarda dəmir çərçivələrin sökülməsini ciddi hüquq pozuntusu kimi qəbul edir.
“Hər yerdə, bütün ölkələrdə qəbiristanlıqlar toxunulmazdır. Ölən yaxınlarımızın ruhu bizi bağışlamayacaq”, deyə mənbə qeyd edib.
Sosial şəbəkələrdə qəbirlərin dövrəsində olan dəmir çərçivələrin sükülməsi barədə göstərişi yerli rəhbərliyin verdiyi barədə statuslar paylaşılıb. -0-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz