Naxçıvanda Sanitar-Təmizlik İdarəsinin əməkdaşları etiraz aksiyası keçirib
Aprelin 1-də Naxçıvan Şəhər Sanitar-Təmizlik İdarəsinin əməkdaşları əmək haqqının azaldılmasına etiraz olaraq aksiya keçirib.
Yerli mənbələrdən Turana bildiriblər ki, aksiya iştirakçıları Naxçıvan Ali Məclisinin binasının önünə toplaşıb.
Onlar aylıq maaşlarının azaldıldığını bildirib.
"Maaşımız əvvəl 674 manat idi, azaldıb 629 manat ediblər. Sonra isə heç bir əsas göstərilmədən 560 manata endiriblər. Bu vəziyyət artıq 4 aydır davam edir. Buna etiraz olaraq biz bu gün işə çıxmaqdan imtina etmişik", etirazçılardan biri deyib.
İşçilər qeyd edib ki, iş üçün maddi-texniki baza yoxdur.
"Adi süpurgə belə verilmir, maşınlar üçün benzin verilmir".
Naxçıvan Şəhər Sanitar-Təmizlik İdarəsinin rəisi Arzu Qurbanov isə etirazçıların dediklərini təkzib edib. O, bildirib ki, əvvəl işçilərin qohumlarının adına da qeyri-qanuni maaş kartları açılıb.
“Avqust ayından etibarən bu qanunsuzluğa son qoyulub. Bu kartlar akt əsasında ləğv olunub. Bu ilin fevral ayına qədər işçilərə əmək haqqından əlavə maddi yardım da verilirdi. Fevraldan etibarən bu dayandırılıb".
O, əlavə edib ki, əmək haqqıları ilə bağlı məsələ öz həllini tapacaq.
Cəmiyyət
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
Rəy yaz