Apellyasiya Məhkəməsi fəal Ramil Babayevi həbsdə saxlayıb
Apellyasiya Məhkəməsi fəal Ramil Babayevi həbsdə saxlayıb
Aprelin 1-də Bakı Apellyasiya Məhkəməsi “Toplum TV işi” üzrə həbs edilmiş fəal Ramil Babayevin ev dustaqlığına buraxılmasından imtina ilə bağlı şikayəti təmin etməyib.
Vəkil Ayşə Abdel Qədir Turan-a bildirib ki, Apellyasiya Məhkəməsi həbs qətimkan tədbirinin dəyişdirilməsi barədə vəsatəti təmin etməyərək Bakı Xətai Məhkəməsinin 19 mart tarixli qərarını qüvvədə saxlayıb.
Bundan əvvəl vəkil Babayev məhkəməyə gətirilərkən zorakılıq tətbiq edən polis əməkdaşlarının məsuliyyətə cəlb olunması üçün prokurorluğa müraciət edib.
Vəkil iki həftə öncə Babayevin qanunsuz həbsi, təhsil və sağlamlığının qorunması hüququnun pozulması ilə bağlı ombudsmana müraciət edib. Həbs səbəbindən Babayev Elmlər Akademiyası Fəlsəfə İnstitutunun doktoranturasında təhsilini yarımçıq qoyub. Bundan əlavə, Babayev periodik qıcolmalara məruz qalır və təcili tibbi müdaxiləyə ehtiyacı olur ki, bu da istintaq təcridxanasındakı saxlanma şəraitində mümkün deyil.
Lakin vəkil nə Ombudsman Aparatından cavab alıb, nə də prokurorluqdan. Bu orqanlar tərəfindən hər hansı tədbir görülməyib.
*Xatırladaq ki, martın 6-8-də “Toplum” TV və onun tərəfdaş təşkilatı Demokratik Təşəbbüslər İnstitutunun 9 əməkdaşı saxlanılıb. Onlara qarşı xarici valyuta qaçaqmalçılığı ittihamı irəli sürülüb. Yeddi nəfər 4 ay müddətinə ilkin həbs cəzasına məhkum edilib, iki nəfər polis nəzarətinə verilib.
-
- Siyasət
- 1 Aprel 2024 17:25
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz