Ötən gün Naxçıvan Muxtar Respublikasında (NMR) muxtar respublikanın keçmiş milli təhlükəsizlik naziri Vəli Ələsgərovun işi üzrə məhkəmə istintaqı başa çatıb.
Vəkil Vüqar Xasayev Turan-a bildirib ki, iyunun 24-nə prokurorun yekun çıxışı təyin edilib. Vəkil ətraflı şərh verməyib.
Xatırladaq ki, V.Ələsgərov 15 il Naxçıvan MTN-ə rəhbərlik edib. 2015-ci ilin dekabrında gözlənilmədən işdən çıxarılıb. Bundan sonra ona qarşı mənimsəmə, sui-istifadə və səlahiyyəti aşmaq ittihamı ilə cinayət işi qaldırılıb.
V.Ələsgərovu bir müddət həbsdə saxladıqdan sonra ev həbsinə buraxıblar. Lakin öz günahsızlığı və həbs zamanı işgəncələrə məruz qalması barədə mətbuata açıqlama verdikdən sonra yenidən həbs olunub. İbtidai istintaqın yekunlarına görə, V.Ələsgərova qarşı daha bir ittiham – qanunsuz dinləmə ittihamı irəli sürülüb.
Məhkəmə prosesi qapalı rejimdə keçirilir.-06B-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz