Bakı/13.11.18/Turan: Bu gün şəhid ailələrinin üzvləri yenidən doğmalarının Azərbaycanın ərazi bütövlüyünün müdafiəsi uğrunda döyüşlərdə həlak olması ilə əlaqədar onlara birdəfəlik yardımın ödənilməsi tələbi ilə Əmək və Əhalinin Sosial Müdafiəsi Nazirliyi qarşısında toplaşıblar.
Ailələrdən birinin üzvü Sevinc Quluzadə bildirib ki, etirazçıların nümayəndələri nazirliyin qəbul otağına dəvət edilib.
"Onlar bizimlə qapalı məkanda danışmaq istəyirlər. Biz nazirin özü ilə görüşmək istəyirik. Çünki buna qədər biz artıq dəfələrlə Milli Məclis və Prezident Administrasiyası qarşısında toplaşmışıq, amma problem hələ də həll edilməyib", deyə Quluzadə bildirib.
O, şəhid ailələrinin üzvlərinin artıq təzminat aldığı barədə məlumatı təkzib edib.
"Nazirlik pulun ödənildiyini iddia edirsə, qoy sənədləri təqdim etsin. Telekanallarda pulun ödənildiyi haqqında əsassız məlumat yayılır", deyə Quluzadə bildirib.
Daha sonra etirazçıları əmək naziri Sahil Babayev qəbul edib. Görü nazirliyin akt zalında keçirilib və 40 dəqiqə davam edib. Amma iştirakçıların sözlərinə görə, görüş nəticəsiz yekunlaşıb.
"Biz yenə suallarımıza cavab tapmadıq. Biz hələ də başa düşmürük ki, Nazirlik hansı əsasla pulun ödənildiyini iddia edir. Çünki bunu təsdiq edən sənəd, bank qəbzi və s. yoxdur", deyə Quluzadə bildirib. Onun sözlərinə görə, nazir görüşü kəsərək, dövlət büdcəsi layihəsinin müzakirəsi üçün parlamentə getdiyini deyib.
Quluzadə deyib ki, indi şəhid ailələrinin üzvləri yenə Prezident Administrasiyasının qarşısında toplaşacaqlar.
Bu ilin yazında Azərbaycan prezidenti İlham Əliyev 1991-97-ci illərdə Azərbaycanın ərazi bütövlüyünün müdafiəsi uğrunda döyüş əməliyyatları zamanı həlak olmuş və ya itkin düşmüş şəxslərin ailələrinə 11 min manat ölçüsündə birdəfəlik təzminatların ödənilməsi haqqında sərəncam imzalayıb.
Təzminatların ödənilməsi oktyabrın 9-dan başlayıb. Amma bir çox ailələrə keçmişdə vəsait almaları bəhanəsi ilə təzminat ödənilməsindən imtina edilib. Polis ailələrinə də təzminat verilmir. Vətəndaşların dövlət orqanlarına şikayətlərinə baxılmır. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz