Bakı istintaq təcridxanasının həkimi təkidli müraciətlərdən iki həftə sonra bazar ertəsi həmin müəssisədə həbsdə olan vətəndaş fəalı İlham Əmiraslanovu müayinə edib. Müayinə İ.Əmiraslanovun səhhətində problemin olduğunu və müalicə olunmasının vacibliyini təsdiq edib.
Sabirabad rayonu Əsgərbəyli kənd sakini İlham Əmiraslanov iyunun 8-də odlu silah saxlamaq ittihamı ilə həbs olunub. İşgəncələr altında silah saxladığını etiraf edən İ.Əmiraslanov vəkil Samir İsayevlə ilk görüşündə ifadə verməkdən imtina edib və DİN Baş Mütəşəkkil Cinayətkarlığa Qarşı Mübarizə İdarəsinin əməkdaşlarının hərəkətlərindən Baş Prokurorluğa şikayət yazıb.
İ.Əmiraslanov inidəyədək ağrılardan, halsızlıqdan şikayət edir. Vəkil güman edir ki, döyülmə nəticəsində onun qulaq pərdəsi zədələnib.
İ.Əmiraslanovun üzvü olduğu “Kür” Vətəndaş Cəmiyyəti Qərargahı bu gün Ədliyyə Nazirliyinin Baş Tibb İdarəsinə məktub göndərəcək və ona təcili yardım göstərilməsini xahiş edəcək.
Beynəlxalq hüquq müdafiə təşkilatları koalisiyası iyunun 25-də İ.Əmiraslanovun dərhal və şərtsiz azadlığa buraxılmasını, polisdə verilən işğəncələrlə bağlı operativ və hərtərəfli araşdırma aparılmasını tələb edib.—0—
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz