![Nikahlar azalıb, boşanma çoxalıb](https://turan.az/resized/media/2017/main/082200004118-750-500-resize.webp)
Nikahlar azalıb, boşanma çoxalıb
Bakı/22.08.17/Turan: Ötən il Azərbaycanda 66 min 771 nikah, 13 min 114 boşanma qeydə alınıb.
Dövlət Statistika Komitəsinin "Azərbaycanın Demoqrafik Göstəriciləri" adlı rəsmi nəşrində belə deyilir.
"Bu nikahların sayının 2013-cü ilə nisbətən 1,3 dəfə azalması, boşanmaların sayının isə 1,12 dəfə artması deməkdir. Şəhərlərdə 36 min 739 nikah, 9173 boşanma, kəndlərdə isə 30 min 032 nikah, 3941 boşanma qeydə alınıb.
Göstəricilərə görə, 2016-cı ildə nikaha daxil olan kişilərdə orta yaş 28,6-ya, qadınlarda isə 24,1-ə bərabər olub. Həmin göstərici 2014-cü ildən etibarən sabit qalıb.
Ötən il Azərbaycanda kişilər ən çox 25-29 (29 min 260 nəfər), qadınlar isə 18-24 yaşlarında (44 min 503 nəfər) nikaha daxil olublar.
Boşanma halları isə kişilərdə 30-34 (3198 nəfər), qadınlarda 25-29 yaşlar arasında (3453 nəfər) üstünlük təşkil edib. -06D-
-
- Cəmiyyət
- 22 Avqust 2017 10:23
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz