![NZS sakinləri, Xətai İH və budka](https://turan.az/resized/media/2019/main/012300016347-750-500-resize.webp)
NZS sakinləri, Xətai İH və budka
Bakı/23.01.19/Turan: Sıravi azərbaycanlılar üçün özəl mülkiyyət problemləri çoxdan qeyri-adiliyini itirib. Gah oliqarxlar sakinlərin razılığı olmadan qədim binaları sökür və onlara sırf simvolik kompensasiya ödəyir, gah da hansısa evin ərazisində qanunsuz tikinti başlayır.
Son illər Azərbayandan Avropa İnsan Hüquqları Məhkəməsinə şikayətlərin sayı rekord həddə çatıb və bu şikayətlərin çoxy şəxsi mülkiyyət hüquqlarının pozulması ilə bağlıdır.
Bakının NZS qəsəbəsində Aşıq Qurban küçəsindəki 19 saylı binanın sakinlərinin bəxti ikiqat gətirməyib: bu qəsəbədə ekoloji durumun əlverişli olmaması az imiş kimi, bir yandan da kiçik həyətdə kommersiya obyekti tikmək, köhnə, paslanmış budkanın yerində atelye açmaq qərarına gəliblər.
Turan bu haqda artıq yazıb.http://www.turan.az/ext/news/2018/11/free/Social/az/76857.htm Qısaca xatırladaq ki, ötən ilin sonlarında sakin Natalya İorina redaksiyaya müraciət edərək bildirmişdi ki, yaşadıqları üçmərtəbəli binanın həyətində üç aydır ki, Pərvanə Novruzova istifadə olunmayan budkanı kommersiya obyektinə çevirməklə bağlı işlər aparır. İş o yerə çatıb ki, polis çağırılıb, münaqişə yaranıb.
N.İorinanın sözlərinə görə, jurnalistlərin və dövlət orqanlarının tikintiyə müdaxiləsindən sonra tikinti dayandırılıb, ancaq məlum olub ki, müvəqqəti dayandırılıb: "Bu yaxınlarda budkada işlər yenidən başladı, oraya avadanlıq gətirildi, üzərindən "Atelye" lövhəsi asıldı. Halbuki, biz Şəhərsalma və Arxitektura Komitəsinə müraciət etmişdik və oradan nümayəndələr gələrək əraziyə baxış keçirmişdilər. Komitənin nümayəndəsi Dilqəm müəllim dedi ki, qurum bizim həyətdəki budkanın sökülməsi barədə qərar çıxarıb. Lakin Xətai Rayon İcra Hakimiyyəti bu qərarı yerinə yetirmir".
Şəhərsalma və Arxitektura Komitəsindən Turan-a bildiriblər ki, Aşıq Qurban küçəsi, 19 ünvandakı həyətin ərazisindəki budkanın sökülməsi barədə qərar çıxarılıb. Lakin bununla Komitə özü yox, İcra Hakimiyyəti orqanları məşğul olur.
Xətai Rayon İcra Hakimiyyətinin nümayəndəsi Turan-ın müxbirini dünlədikdən sonra bildirib ki, müraciət qeydə alınıb və rayon Mənzil İdarəsinin nümayəndələri əraziyə göndəriləcək. Onlar əraziyə baxış keçirəcəklər və lazımi tədbirləri görəcəklər.-0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz