Ölkə mediası nə yazır? media-icmal 22.12.20

“Azərbaycan” qəzeti  “Koronavirusun yeni növü sürətlə sərhədlərimizə yaxınlaşır” sərlövhəli məqalədə dünyanın  koronavirusun mutasiyaya uğramış yeni növü ilə üz-üzə qaldığına diqqəti çəkir.

Müəllif vurğulayır ki, 2019-cu ilin sonlarında meydana çıxan koronavirus infeksiyası dünyanın hər yerində sürətlə yayılmaqda davam edir və Ümumdünya Səhiyyə Təşkilatı (ÜST) onu “COVİD-19” pandemiyası adlandırıdı. Bu virusa 75 milyona yaxın insan yoluxub, bu virusdan ölənlərin sayı 2 milyon nəfərə həddinə yaxınlaşır. 

Müəllif deyir ki, dünya COVID-19 pandemiyasından tam yaxa qurtarmamış, koronavirusun yeni mutasiyaya uğramış forması ilə üz-üzə qalıb, virusun bu növü sürətlə yayılır və Böyük Britaniya Səhiyyə Nazirliyi onu "SARS-CoV-2” adı ilə qeydə alıb və əvvəlki növündən 70 faiz daha çox yoluxucudur.

Müəllifə görə, COVİD-19 pandemiyasına qarşı Azərbaycanda effektiv mübarizə davam edir, tibbi xidmətlərin keyfiyyəti daha yüksək səviyyəyə çatdırılıb, əahlinin sosial müdafiəsi də davam etdirilir..

Virusdan peyvəndləşməyə gəlincə, müəllif deyir ki, Azərbaycan əhalinin 10 faizi qədər vaksin alacaq, növbəti dövrlərdə də əhalinin müəyyən sayı çərçivəsində də vaksinlər alınacaq.

Müəllifə görə, əminliklə demək olar ki, hazırda da pandemiyaya qarşı  mübarizə tələblərinə ciddi əməl edilərsə qarşıdakı günlərdə vəziyyət daha da yaxşılaşacaq.

“Yenisabah.az”  saytı “Ermənistan ordusu Qarabağı tərk edəcək” sərlövhəli məqalədə bəhs olunan məsələyə dair keçmiş xarici işlər naziri Tofiq Zülfüqarovun şərhinə yer verib.

“Gəlin, yeni yaranan konfiqurasiyaya baxaq. Faktiki olaraq, yeni status-kvo yaranıb. Ermənistan bu prosesdən çıxarılıb. Qısa müddətdən sonra bu ərazidə qalan Ermənistan ordusu oranı tərk edəcək. Bu, aydındır və proses başlayıb”, -eks-nazir prosesə mövqeyini ifadə edir.

O bildirib ki, eyni zamanda Laçın, Kəlbəcər və Ağdamdan da erməni hərbi hissələri çıxarılıb və bu münaqişədə Ermənistan artıq xarici amilə çevrilib, beynəlxalq sərhədlər edilir və Ermənistan xarici amilə çevrilir: “ ...üstəlik,  bu siyasi prosesdə Minsk Qrupu da yoxdur. Azərbaycan, Türkiyə və Rusiya var.

Baxmayaraq ki, Türkiyə birgə bəyannaməyə imza atmayıb, amma o, rəsmi olaraq prosesin üzvüdür”, - keçmiş nazir qeyd edib. Bu üçtərəfli prosesdə Azərbaycan bəyan edib ki, heç bir status olmayacaq, Türkiyə də elan edir ki, Qarabağ Azərbaycanın ayrılmaz hissəsidir, Rusiya da dəfələrlə qeyd edib ki, Azərbaycanın ərazi bütövlüyünü dəstəkləyir: “Ona görə Putinin mətbuat konfransında işlətdiyi status ifadəsi siyasi statusdan daha çox gələcəkdə formalaşacaq vəziyyəti nəzərdə tutur”. 

Keçmiş nazirin deməsinə görə Azərbaycan elə şərait yaradacaq ki, ermənilər bölgədə Rusiya və Türkiyədə yaşadıqları kimi yaşaya bilsinlər, onlara Rusiya və Türkiyədə verilən imtiyaz və hüquqlar qədər hüquq verilə bilər.

“Redaktor.az” saytı ”Millət vəkili əsəbiləşdi: Əksəriyyəti iflas vəziyyətindədir – cərimə” sərlövhəli məqalədə pandemiya şəraitində sahibkarlıq subyektlərinin durumunu dəyərləndirir.

Müəllif hesab edir ki, sərt karantin rejimi zamanı daha ciddi itkilər verən sahələrdən biri də sahibkarlıq subyektləridir, bu ilin cəmi bir neçə ayını xidmət göstərən kafe-restoran və s. iaşə obyektlərinin sahibləri yerində xidmətin dayandırılmasından və cərimələrin miqdarının artırılmasından xeyli narahatdırlar.

İqtisadçı ekspertlər ötən ilin eyni dövrü ilə müqayisədə bu il iaşə dövriyyəsinin təxminən 2.2 dəfə azaldığını bildirirlər: “Karantin aylarına baxanda aydın olur ki, müvafiq azalma 4 dəfəyə qədər yüksəlir. İaşə müəssisələri ən yaxşı halda öz güclərinin 25% miqdarını istifadə ediblər. Bu prosesin davamlılığından asılı olaraq sahibkarlıq subyektlərinin böyük əksəriyyəti sıradan çıxacaq”, - ekspertlər bildirirlər.

Deputat Fazil Mustafa vurğulayır ki, sərt karantin müddətində hüquqi şəxslərə tətbiq edilən onlayn xidmət məhdudiyyəti ilə yanaşı cərimələrin miqdarı da artırılıb. Onun fikrincə, nəinki vəzifəli şəxslərə, heç hüquqi şəxslərə qarşı cərimələrin miqdarının artırılmasının faydası olmayacaq.

Deputat bunu belə şərh edir ki hüquqi şəxslərin böyük əksəriyyəti iflas vəziyyətindədir: “Onlar elə bir həddə çatacaqlar ki, bütün obyektlərini birdəfəlik bağlayacaqlar. Cərimələr artdıqca, həmin sahibkarların xidmətə marağı qalmayacaq”, -həmin nəticəyə gətirəcək səbəbi göstərib.

“Modern.az” saytı isə “1-ci kurs tələbələri təqaüd kartlarını ala bilmirlər - Universitetlərdə problem” sərlövhəli məqalədə I kurs tələbələrinin təqaüdlərini almalarında yaranmış problem müzakirə edilir. Müəllif deyir ki, COVID-19) pandemiyası təhsilə də əks-təsir göstərir, təhsil əyani formatdan distant formata keçirilib, burada isə bəzi problemlər müşahidə olunur: “Bununla yanaşı, ali məktəb tələbələri daha bir problem yaşayırlar. Belə ki, bu il universitetə yeni qəbul olmuş tələbələrə təqaüdlərin verilməsi gecikir.

Müəllifə görə, Azərbaycan Dövlət İqtisad Universitetindən bildiriblər ki, universitetdə yeni qəbul olmuş tələbələrə təqaüdlərin verilməsilə bağlı heç bir problem yoxdur, tələbələr şəxsiyyət vəsiqələri ilə banka yaxınlaşıb təqaüdlərini nağd şəkildə ala bilərlər. “Sadəcə, pandemiya dövrü olduğu üçün smart kartların verilməsi hələlik dayandırılıb”, -bəyan ediblər.

Diplomatiya Akademiyası Universitetindən isə deyiblər ki, təqaüdlərin verilməsində heç bir problem yoxdur.

Dillər Uuivesitetində isə problem budur ki, rayonlarda yaşayan tələbələr gəlib kartlarını götürə bilməyiblər.

Dövlət Pedaqoji Universiteti də hələ ki 1-ci kurs tələbələrinə nə tələbə bileti verə bilib, nə də plastik kart. Bu universitetin tələbələrinə təqaüdlərin verilməsi barədə də bir söz deyilməyib. Dövlət Neft və Sənaye Universitetində də eyni durumdur: 1-ci kurs tələbələri nə tələbə bileti ala biliblər, nə də bank kartı. Amma burada tələbələrə deyilib ki, şəxsiyyət vəsiqəsilə banka yaxınlaşıb təqaüdlərini ala bilərlər. Qeyd edək ki, tələbə təqaüdləri əsasən KapitalBank vasitəsilə verilir.

“Müsavat.com” saytı “Ordunun təminatı iə bağlı suallar haradan qayanaqlanır?-şərh” sərlövhəli məqalədə ordunun təminatındakı bəzi çatışmazlıqların səbəblərinə münasibət ifadə edir. 

Müəllif bu mövziya müraciət etməsinə səbəb kimi işğaldan azad olunmuş ərazilərdə Azərbaycan Ordusunun təminatında çatışmazlıqlar olması barədə videoların, rəylərin sayının bir xeyli artmasını göstərir.

Müəllif əlavə edir ki, şikayətləri araşdırarkən bunun çoxunun infrastruktur yoxluğundan qaynaqlandığı aydın olur, amma bəzi məqamlarda səlahiyyətli şəxslərin məsuliyyətsiz davranışı da gözardı edilə bilməz: “Amma əksər çatışmazlıqlar şəraitsizlik, təminatın vaxtında çatdırılmaması ilə bağlıdır ki, bunun da kökündə bölgədə infrastrukturun məhv edilməsi dayanır” deyə müəllif bildirir.

Müəllif vurğulayır ki, işğaldan azad edilmiş ərazilərdə ermənilər 30 il müddətində bütün infrastrukturu, kommunal təsərrüfatı məhv ediblər…bir salamat qalmış tikiliyə, bir normal daldalanacağa belə rast gəlinmir. Təbii su mənbələri, bulaqlar belə baxımsızlıqdan, ətrafda aparılan ekoloji terrordan məhz o ərazidə quruyub, yaşayış məntəqələri, yollar minalanıblar.

Üstəlik, düşmən əksər yaşayış məntəqələrini, yolları minalayıb. Belə şəraitdə, əlbəttə, əsgər üçün təminatın çatdırılmasında da, şəraitin yaradılmasında da problemlər yaşanır. Müəllif bu düşüncədədir ki, belə olanda  ərzağın, geyimin və digər zəruri vasitələrin vaxtında çatdırılmasında problem yarana bilir. Amma infrasturktur qurulduqca çatışmazlıqlar da  aradan qalxacaq.