Bu gün ombudsman aparatının nümayəndələri Kürdəxanı qəsəbəsindəki istintaq təcridxanasında odlu silah saxlamaq ittihamı ilə həbs olunmuş vətəndaş fəalı, Sabirabad rayonun Əsgərbəyli kənd sakini İlham Əmiraslanova baş çəkiblər.
Ombudsman aparatından Turana verilən məlumata görə, Əmiraslanovla görüş saat yarım davam edib və onun saxlanma şəraitindən şikayəti olmayıb.
Görüşün yekunlarına görə təcridxana rəhbərliyinə saxlanma zamanı döyüldüyünü iddia edən Əmiraslanovun səhhətinə tibbi nəzarəti təmin etmək tapşırılıb.
Ombudsman nümayəndələri həmçinin bildiriblər ki, saxlanılan şəxsə qarşı fiziki zorakılıq faktını araşdırmaq xahişi ilə baş prokurora müraciət edəcəklər.
Ombudsmana Əmiraslanovla görüşün zəruriliyi haqqında müraciət iyunun 18-da Turan informasiya agentliyinin direktoru Mehman Əliyev və “Kür” vətəndaş cəmiyyəti qərargahının koordinatoru Oqtay Gülalıyevdən daxil olub.
İki ildir 2010-cu il daşqınından ziyan çəkmiş şəxslərin hüquqlarını fəal şəkildə müdafiə edən Əmiraslanov iyunun 8-də, FHN rəhbəri Kəmaləddin Heydərovla görüşdə iştirakdan 3 gün sonra həbs olunub.
Əmiraslanovun həbsi milli və beynəlxalq qanunvericiliyin kobud şəkildə pozulması ilə müşaiyət olunub. O, istintaq təcridxanasından respublika prokurorluğuna məktub göndərərək, polisdə ona aid olmayan tapança və güllələri saxladığını etiraf etməsi məqsədilə işgəncə verildiyini bildirib.
“Kür” qərargahı 2010-cu ildə daşqından ziyan çəkmiş vətəndaşların hüquqlarının müdafiəsi üçün qeyri-hökumət təşkilatları tərəfindən yaradılıb. -0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz