![Açiq mənbələrdən foto.](https://turan.az/resized/media/2023/main/070700064119-750-500-resize.webp)
Açiq mənbələrdən foto.
Osman Nərimanoğlu jurnalist fəaliyyəti ilə əlaqədar təqib edildiyini bildirib
Bakı/07.07.23/Turan: Demokratik.az saytının redaktoru Osman Nərimanoğlu (Rzayev) həbsindən bir il ötməsi ilə əlaqədar ictimaiyyətə müraciət edib.
5 iyul 2022-ci il tarixindən həbsdə olan jurnalist bildirir ki, peşə fəaliyyəti ilə əlaqədar Göygöl rayonunun vəzifəli şəxsləri tərəfindən ona qarşı başladılmış böhtan kampaniyasının qurbanı olub.
Göygöl xəstəxanasının direktoru Vasif Əliyevin, Rayon Suvarma Sistemləri İdarəsinin keçmiş rəisi İlqar Məhərrəmovun və daha iki həkimin şikayəti əsasında ona qarşı Azərbaycan Respublikası Cinayət Məcəlləsinin 182.2.2-ci (hədələmə yolu ilə pul tələb etmə) maddəsi ilə ittiham irəli sürülüb.
Nərimanoğlunun iddiasına görə, ittihamlar onun rəhbərlərinin Göygöl rayon hüquq-mühafizə orqanlarında himayədarları olan bu idarələrdə mənfi halları işıqlandırması ilə əlaqədar saxtalaşdırılıb.
Nərimanoğlu qeyd edir ki, cinayət təqibi hansısa etibarlı dəlillərə əsaslanmır, ərizəçilərin və "şahidlərin" bəyanlarına əsaslanır.
Jurnalist həmçinin istintaq zamanı hüquqlarının pozulduğunu qeyd edir. Belə ki, saxlanıldıqdan sonra onun yaxınları ilə əlaqə saxlamasına və bu haqda məlumat verməsinə, seçdiyi vəkili dəvət etməsinə icazə verməyiblər. Nərimanoğlunun iddiasına görə, istintaq zamanı ona təzyiq göstərilib.
Bundan başqa, Nərimanoğlu qeyd edir ki, istintaq əsassız olaraq 7 ay uzanıb, indi isə beş aydır məhkəmə davam edir.
Sonda o, ölkə və baş prokurorluq rəhbərliyini hüquq-mühafizə orqanlarının ona qarşı özbaşınalığına biganə qalmamağa, müdaxilə etməyə və onun hüquqlarının pozulmasına son qoymağa çağırır. Nərimanoğlu həmçinin ölkə ictimaiyyətini və media ictimaiyyətini onun işini diqqət mərkəzində saxlamağa çağırır.
"Azərbaycan Siyasi Məhbuslarına Azadlıq" hüquq müdafiə ittifaqı Nərimanoğlunu siyasi məhbus kimi tanıyıb. 06D
-
- Siyasət
- 7 İyul 2023 12:29
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz