Özəl ali məktəblər endirim elan edib

Bu gün, yəqin ki, heç kim Azərbaycanın ali və orta ixtisas məktəblərinə qəbul olunmaq üçün müsabiqə vəziyyətinin necə olacağını proqnozlaşdırmağa cəsarət etməz. Bu təhsil ocaqlarında plan yerlərinin sayı hələlik açıqlanmayıb, həm də ki, qəbul imtahanlarının aprelin 30-da və mayın 7-də keçirilmiş yalnız birinci mərhələsi başa çatıb. Onlarda 63 mindən çox namizəd iştirak edib, sonuncuların təxminən 50 min nəfəri bu ilin məktəb məzunları, 13 mini isə keçənilki abituriyentlərdir.

Dövlət Imtahan Mərkəzinin qərarına əsasən, ikinci sınaq mərhələsi iyul ayına planlaşdırılıb. Burada 68 mindən artıq gənc oğlan və qız iştirak edəcək. Bu, həm məktəbi yenicə bitirmiş, həm də əvvəlki testləşdirmə mərhələsində topladıqları ballar üzrə göstəricilərini yaxşılaşdırmaq istəyənlərdir.

Bu arada, bəzi kommersiya ali məktəbləri indidən bir sıra ixtisaslar üzrə təhsil haqqını aşağı saldıqlarını elan edib. Bu addım tamamilə başadüşüləndir: universitetlər ötənilki uğursuzluq təkrarlanmasın deyə sığortalanmaq istəyirlər. Xartırladaq ki, keçən il bir çox ali məktəblərdə qəbul planı cəmi 50% yerinə yetirilmiş və tələbələrin sayı məhdud olduğundan, müəllimlərin tədris yükünü və eini zamanda, əmək haqqını azaltmaq lazım gəlmişdi.

"Azərbaycan" universiteti təhsil güzəşt kampaniyasında iştirak edir. Onun mətbuat xidmətindən bildiriblər ki, bu il tələbə qəbulu 14 ixtisas üzrə aparılacaq. Onlardan dörd ixtisas üzrə - "Dünya iqtisadiyyatı", "Mühasibat uçotu və audit", "Biznesin idarə edilməsi" və "Marketinqi" - illik təhsil haqqı 3000 min manatdan 2500 manata endirilib. Qalan ixtisas üzrə tariflər dəyişməyib.

"Avrasiya" universitetinin mətbuat xidmətinin rəhbəri Şəfayət Əliyev endirim barədə məlumatla paylaşıb: humanitar və texniki ixtisaslar üzrə təhsil haqqı 300-400 manat azalaraq, 1600-1700 manat təşkil edəcək. Söz "Filologiya və Azərbaycan dili", "Filologiya və türk ədəbiyyatı", "Filologiya və ingilis ədəbiyyatı", "Tərcümə" ixtisaslarından gedir. Eyni tarif "Dinşünaslıq", "Riyaziyyat" və "Ümumi iqtisadiyyat" ixtisasları üzrə müəyyən edilib. Keçən il universitetdə qəbul planı 55% yerinə yetirilmişdi, bu il həmin həddin keçiləcəyinə ümid vardır.

Qərb Universiteti də güzəşt kampaniyasının iştirakçısıdır. Universitetin mətbuat xidmətinin rəhbəri Vüsal Məmmədov bildirib ki, bütün ixtisaslar üzrə təhsil haqqı 50% azaldılıb və 1500-2000 manat civarında olacaq. Universitet infrastrukturu müasirləşdirilir, yeni proqram və ixtisaslar daxil edilir, yeni tədris korpusları tikilir.

Azərbaycan Diplomatik Akademiyasında təhsil haqqı dəyişməyib və bakalavr pilləsində 6000-6500 manat, magistraturada isə 6500 - 28000 manat təşkil edir. Görünür, burada varlı ailələrdən olan tələbələrə ümid bəsləyirlər: yəqin onların valideynləri öz övladlrının ölkədə məşhur soyadlı tanınmış ailəyə məxsus olan ciddi universitetdə təhsil alması üçün simiclik etməzlər.

Bu faktları Соntact.Az üçün şərh edərkən, təhsil üzrə ekspert Etibar Əliyev bildirib ki, özəl ali məktəblərə ötənilki dramatic uğursuz tələbə qəbulu - bu universitetlərdə plan yerlərinin 50-60%-i boş qaldı, "Odlar Yurdu" Universitetində isə yerlərin yalnız 11% tutludu - onlar üçün yaxşı dərs oldu. Bundan sonra hətta bir neçə ali məktəb bağlandı. Bu acı təcrübəni təkrarlamamaq üçün onlar təhsil haqqını azaltdılar, çünki iqtisadi böhran şəraitində heç də hər ailənin uşaqların ödənişli ali məktəblərdə təhsilini maliyyələşdirməyə gücü çatmaz. Bəzi tələbələr oxumaqdan tam imtina edib, digərləri isə Türkiyəyə gediblər ki, müvafiq ödənişlə təhsillərini davam etdirə bilsinlər.

"Azərbaycanda ali təhsil az- və ortatəminatlı ailələrdən olan tələbələr üçün əlçatmaz olur. Bu sahədə qiymət siyasəti ölçülüb-biçilməyib və ətraflı düşünülməyib, o, həmin ali məktəblərin real sahibləri olan məmur və deputatların mənafeyinə xidmət edir. Onlar üçün əsas məsələ bu "proje"yə çəkdikləri xərci mümkün qədər tez çıxartmaq və mümkün qədər çox pul qazanmaqır. Ona görə də bu universitetlərin rektorları təhsilin keyfiyyəti, innovasiyalar barədə heç düşünmürlər, onları narahat edən yalnız qəbul planı və pul yığımıdır. Nəticədə həmin ali məktəblərin məzunlarına əmək bazarında tələb yoxdur, onlar ya ekspeditor, ya da ofisiant işləməyə gedirlər", - Əliyev qeyd edib. -0--