Parlament Miqrasiya Məcəlləsini ikinci oxunuşda qəbul edib

Milli Məclis bugünki iclasında ikinci oxunuşda Miqrasiya Məcəlləsi layihəsi, həmçinin “Ölkəyə gəlmək, ölkədən getmək və pasportlar haqqında” mövcud qanuna dəyişiklikləri qəbul edilib.

Dəyişikliklər pasportlara elektron daşıyıcıların (çiplərin) daxil edilməsi müddəti ilə bağlıdır. Elektron daşıyıcılarda pasport sahibinin imzası istisna olmaqla, onun haqqında məlumatlar (o cümlədən şəkli, barmaq izi, xüsusi xidmətlər üçün zəruri olan digər məlumatlar) daxil olacaq.

Qüvvədə olan qanun yeniliklərin iyunun 1-dən tətbiq edilməsini nəzərdə tutur. Lakin Hüquq siyasəti komitəsinin sədri Əli Hüseynli bu müddəti bu il sentyabrın 1-nə qədər təxirə salmağı xahiş edib.

Parlament üzvləri dünən vətəndaş cəmiyyəti nümayəndələrinin bu sənədin müddəaları ilə bağlı səsləndirdikləri tənqidə məhəl qoymayıblar.

Belə ki, “Daşınmaz əmlakın dövlət reyestri haqqında” qanuna və “Əmək təqaüdləri haqqında” qanuna dəyişikliklər müzakirəyə çıxarılıb.

Bundan başqa, bu gün parlament Monteneqro (“İkili vergi qoyuluşundan yayınma və vergi ödənişindən yayınmaya qarşı mübarizə haqqında” konvensiya və onun protokolu) və Xorvatiya (“İki ölkə arasında strateji tərəfdaşlıq və dostluq haqqında Zaqreb Bəyannaməsi) ilə bir sıra ikitərəfli sazişləri təsdiq edib. -17D-