Photo: TURAN
Paytaxtın Xətai rayonunda, Heydər Əliyev adına Neft Emalı Zavodu ərazisində iki gündür ki, sis müşahidə olunur. Eyni zamanda, bitişik ərazidə kəskin pis qoxu var. Sakinlərin çoxu baş ağrısından və göz yaşarmasından şikayətlənir.
Bu, əvvəllər, neft emalından alınan səmt qazının atmosferə atıldığı vaxtlarda da baş verib. Adətən bu qaz yandırılır, lakin iki gündür yanan səmt qazı məşəli görünmür. Buna görə də kəskin qoxu paytaxtın mərkəzinə doğru daha da yayılır.
İndiyədək Ekologiya və Təbii Sərvətlər Nazirliyi baş verənləri şərh etməyib. Ətraf mühitin daim monitorinqini aparan bu quruma zəng etmək cəhdləri nəticə verməyib.
COP29 ərəfəsində bu, Bakıda ekologiyanın vəziyyətinə dair yaxşı xatırlatmadır.
Cəmiyyət
-
Azərbaycanda bu ilin sonunda bələdiyyə seçkiləri keçirilməli olsa da, hələ tarixi açıqlanmayıb. Mövcud qanunvericiliyə görə, seçkilər səsverməyə azı 60 gün qalmış elan edilməlidir. Amma Mərkəzi Seçki Komissiyası (MSK) onun tarixi ilə bağlı, hələlik, heç bir açıqlama verməyib.
-
Noyabrın 2-də Bakıda və Abşeronda havanın temperaturu gündüz +23 dərəcəyə yüksələcək. Gecə müsbət 11+14 dərəcə olacaq. Rütubət gecə 70-75, gündüz 45-50 faiz olacaq, Milli Hidrometeorologiya Xidməti sinoptikləri bildiriblər.
-
Bakının sosial həyatına rəng qatan yeni bir məkan olan Kashalata Kafe, Üzeyir Hacıbəyli küçəsi 57 ünvanında müştəriləri salamlayır. “Pasha Holdinq”in və Azərbaycan Respublikası Əmək və Əhalinin Sosial Müdafiəsi Nazirliyinin birgə dəstəyi ilə, Kiçik və Orta Biznesin İnkişafı Agentliyi (KOBİA), SOCAR və Trendyol Azərbaycan kimi tərəfdaşların töhfəsi ilə yaradılan bu kafe, əlilliyi olan gəncləri işlə təmin etməyi hədəfləyən Azərbaycanın ilk inklüziv müəssisəsidir.
-
Oktyabrın 29-u gecə saatlarından Bakıda "Vosmoy bazarı" kimi tanınan "8-ci km bazarı" ticarət mərkəzinin ətrafında obyekt və piştaxtalar sökülür. Rəsmilər bunu həmin obyektlərin küçə ticarəti kimi fəaliyyət göstərməsi ilə əlaqələndirir. İllərdir Azərbaycanda küçə ticarəti mübahisə predmeti olub. Zaman-zaman bu məsələdə şikayətlər eşidilir.
Rəy yaz