Polad Aslanov.
Bakı/22.12.21/Turan: Həbsxanada jurnalist Polad Aslanovun əsəb sistemində yaranmış problemlərə baxmayaraq, o, stasionar müalicəyə köçürülmür. Bu barədə Turan-a jurnalistin həyat yoldaşı Gülmira Aslanova bildirib.
Onun sözlərinə görə, P.Aslanovda əsəb pozuntusu yaranıb, yuxusu pozulub.
"Polad son vaxtlar əsəb gərginliyindən, yuxusunun pozulmasından şikayət edirdi. Bir ay əvvəl ona sakitləşdirici həb və vitaminlər təyin olundu. Amma müalicə nəticə vermədi", deyə G.Aslanova bildirib.
O qeyd edib ki, dünən jurnalisti nevropatoloq müayinə edib. "Həkim deyib ki, Polad ya 1 saylı cəzaçəkmə müəssisəsinin tibb məntəqəsinə köçürülməli, ya da Penitensiar Xidmətin Müalicə Müəssisəsinə göndərilməlidir. "Amma rəhbərlik onu tibb məntəqəsinə köçürməkdən də, həbsxana xəstəxanasına göndərməkdən də imtina edir və onun barakda qalmasında israr edir", deyə G.Aslanova qeyd edib.
Əsəb sistemində problemlərin yaranmasının səbəbinə gəlincə, jurnalistin həyat yoldaşı bunu saxlanma şəraitinin pis olması ilə izah edib.
Onun sözlərinə görə, cəzaçəkmə müəssisəsində 1000 məhbus saxlanılır və orada yemək bişirmək üçün cəmi üç plitə var. Plitə çatışmadığı üçün mübahisələr yaranır. Bundan başqa, administrasiya P.Aslanova qarşı təxribatlar törədir, deyə G.Aslanova bildirib.
Öz növbəsində, Penitensiar Xidmətin İctimaiyyətlə əlaqələr şöbəsindən Turan agentliyinə bildiriblər ki, bütün cəzaçəkmə müəssisələrində tibbi-sanitar məntəqələr fəaliyyət göstərir, burada yüksək peşəkarlıq səviyyəsinə malik həkimlər işləyir.
Bu məntəqələr zəruri tibbi avadanlıqlarla və dərman preparatları ilə təchiz edilib.
"Məhbusların müalicəsi həkim təyinatı əsasında həyata keçirilir. Cəzaçəkmə müəssisəsinin rəhbərliyi müayinə və müalicə prosesinə müdaxilə edə bilməz", deyə şöbədən bildiriblər.
* Xeberman.com saytının redaktoru Polad Aslanov 2019-cu il noyabrın 16-da İranın xeyrinə dövlətə xəyanət ittihamı ilə 16 il müddətinə azadlıqdan məhrum edilib.
"Sərhədsiz Reportyorlar" təşkilatı və digər hüquq müdafiə qurumları Azərbaycan hakimiyyətini Polad Aslanovu azad etməyə çağırıblar. -06B-
Cəmiyyət
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
-
Azərbaycan Hava Yollarına (AZAL) məxsus Embraer 190/195 təyyarəsi Bakı-Kazan marşrutu üzrə uçuş zamanı, yanvarın 1-də Astrakhan üzərində radio maneələr və GPRS pozuntuları ilə üzləşib. Bu barədə Turan aviasiya sahəsindəki mənbəyə istinadən məlumat yayıb. Təyyarənin aviyonikası yalnız Astrakhan hava məkanını tərk etdikdən sonra normal fəaliyyətini bərpa edib.
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
Rəy yaz