Халид Агалиев
Polis Aytac Əhmədovanın işində qanunu pozub, ekspert
Bakı/05.10.18/Turan: Hər bir jurnalistin ictimai maraq doğuran hadisələri işıqlandırmaq, təfərrüatını araşdırmaq, məsul şəxslərdən məlumat almaq və peşə fəaliyyəti ilə bağlı digər hərəkətləri yerimə yetirmək hüququ var. Bu fikri Turan agentliyinə media sahəsində ekspert Xalid Ağaliyev jurnalist Aytaç Əhmədovanın saxlanılmasını və polisdə ona qarşı zorakılığı şərh edərkən bildirib.
Xatırladaq ki, Əhmədova oktyabrın 3-də Zabrat qəsəbəsində sakinlərin etiraz aksiyasından reportaj zamanı saxlanılıb. Polis bölməsində mülki geyimli əməkdaş ona vurub və təhqir edib.
Sonradan DİN zorakılıq faktını təkzib edib, jurnalistin vəsiqəsi olmadığına görə məsələni aydınlaşdırmaq üçün saxlanılıb.
Cəmiyyət mühüm məlumatları vaxtlı-vaxtında almaq hüququna malikdir, jurnalistlər isə məhz bu funksiyanı yerinə yetirirlər. DİN-in reaksiyasına gəlincə, bu idarə daha ətraflı açıqlama verə və iddialarını videomüşahidə kameralarından görüntülərlə möhkəmləndirə bilərdi. Əhmədovanın jurnalist sənədinin olmamasına gəlincə, təkcə media nümayəndəsi deyil, hər bir vətəndaş məlumat almaq hüququna malikdir, deyə ekspert bildirib.
Jurnalistin işinə maneə yaradılması CM-in 163-cü maddəsi ilə məsuliyyətə səbəb olur. Məlumat toplanması zorakılıq yolu ilə məhdudlaşdırılıbsa, bunu törədən şəxs barəsində CM-in 293-cü maddəsi tətbiq edilməlidir, deyə hüquqşünas qeyd edib. -06B-
-
- Maliyyə
- 5 Oktyabr 2018 13:38
-
- Foto sessiyalar
- 5 Oktyabr 2018 14:01
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz