Polis həbs edilmiş Lənkəran sakininin qohumlarını təqib edir
Lənkəranda bu həftə narkotik ticarəti ittihamı ilə 4 il azadlıqdan məhrumetmə cəzasına məhkum edilmiş yerli sakin Şaiq Ağayevin qohumlarına təzyiq göstərilir.
Xüsusən, polis məhkumun hüquqlarını fəal şəkildə müdafiə edən qaynı Şükür Bayramova təzyiq göstərir.
Bayramovun sözlərinə görə, yerli polis onu jurnalistləri Ağayevin işi üzrə məhkəmə prosesinə dəvət etdiyinə görə hədələyir.
Bayramovu “sakit oturmazsa” oğullarının və özünün narkotiklə bağlı cinayət ittihamları ilə həbs edilə biləcəyi ilə hədələyiblər.
Bayramov bildirib ki, o, Ağayevin əsassız həbsi ilə əlaqədar Baş Prokurorluğa, DİN-ə, Ombudsman Aparatına, DİN-in Narkotiklərə qarşı Mübarizə Baş İdarəsinə və digər qurumlara müraciət edib.
Bayramov sonuncu dəfə fevralın 7-də susmasa Ağayevin arxasınca göndəriləcəyi ilə hədələnib.
Lakin Bayramov bildirib ki, susmayacaq və əsassız olaraq həbs edilmiş, üç azyaşlı övladı və xəstə həyat yoldaşı başsız qalmış Ağayevin azad edilməsini tələb edəcək.
O xatırladıb ki, Ağayev sadəcə İnternetdə məktəbdə qızının döyüldüyü haqqında məlumat yayıb, bundan sonra onu saxta ittihamla həbs ediblər.
Məktəb direktoru Ağayevdən “Lənkəranı bədnam edən videonu” İnternetdən çıxarmağı tələb edib. Lakin Ağayev bundan imtina edib. Bundan sonra o, Cənub Bölgəsi üzrə Narkotiklərə qarşı Mübarizə üzrə İdarəsinin polisi tərəfindən həbs edilib. -06D-
-
- Cəmiyyət
- 8 Fevral 2014 13:33
-
- Foto sessiyalar
- 8 Fevral 2014 21:30
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz