Polis şəhid ailələrinin yürüşünə müdaxilə edib
Bakı/06.11.18/Turan: Polis və mülki geyimli şəxslər Nizami küçəsindən Prezident Administrasiyasına doğru yürüş edən şəhid ailələrinin nümayəndələrinə maneçilik törədiblər.
Aksiya Azərbaycanın ərazi bütövlüyü uğrunda həlak olan ailə başçılarına görə şəhid ailələrinə 11 min manat birdəfəlik müavinətin ödənilməsi tələbilə keçirilib.
Polis və mülki geyimli şəxslər aksiya iştirakçılarını, əsasən əllərində şəhidlərin portretlərini aparan qadınları saxlayıblar. Onlara Administrasiyanın önünə kütləvi şəkildə yox, 2-3 nəfər getməyi təklif ediblər.
"Biz bunu hüquqlarımızın pozulması, şəhid adına hörmətsizlik kimi dəyərləndiririk. Dövlətin bizə verəcəyi 11 min manat müavinəti istəyirik. Bizi nazirlikdən "Azərsığorta"ya, sığortadan nazirliyə göndərirlər", - aksiya iştirakçılarından biri deyib.
Polisin müdaxiləsinə baxmayaraq, aksiya iştirakçıları yürüşü davam etdiriblər.
Prezident İlham Əliyev bu ilin aprelində 1991-97-ci il avqustun 2-nə kimi Azərbaycanın ərazi bütövlüyü uğrunda həlak olanlara 11 min manat müavinət verilməsi barədə sərəncam imzalayıb. Bu il oktyabrın 9-dan sənədlərin qəbuluna başlanılıb. Amma sənəd təqdim edən bir çox şəhid ailələrinə həmin vəsaiti aldıqlarını bildiriblər. Ailələr isə hesab edirlər ki, əvvəllər müavinəti almayıblar. Şəhid ailələri problemin araşdırılması üçün dəfələrlə Milli Məclisə, Prezident Administrasyasına və digər qurumlara müraciət edibləe. Amma məsələ hələ də həllini tapmayıb.-06D-
-
- İqtisadiyyat
- 6 Noyabr 2018 12:18
-
- Cəmiyyət
- 6 Noyabr 2018 13:38
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz