Yanvarın 14-də günün birinci yarısında Şəki məhkəməsində İsmayıllı hadisələri üzrə prosesdə şahidlərin – polis əməkdaşların ifadə verməsi davam edib.
Öncə polis kapitanı, DİN çevik alayının əməkdaşı Elmir Əliyev çıxış edib.
Sonra İsmayıllı polisinin əməkdaşı Bəşir Xələfov ifadə verib. O, ilkin istintaqa verdiyi bəzi ifadəsindən imtina edib.
Belə ki, şahid bildirib ki, yanvarın 24-də REAL hərəkatının lideri İlqar Məmmədovu və Müsavat Partiyasının sədr müavini Tofiq Yaqublunu İsmayıllıda adamların arasında görüb, lakin onlar sakitcə dayanaraq baş verənləri müşahidə ediblər.
Prokuror və hakim ondan fərqli ifadələr verməsinin səbəblərini açıqlamasını tələb ediblər. Lakin polis əməkdaşı deyib ki, Məmmədov və Yaqublunun qanunazidd hərəkətlər törətdiklərini görməyib.
Digər polis əməkdaşı Valeh Sultanzadə də deyib ki, adamların polislərə daş atdıqlarını görüb, ancaq Məmmədovla Yaqublu belə hərəkətlər etməyiblər.
Fasilədən sonra saat 14:30-da V.Sultanzadə ifadə verməyə davam edəcək.
Proses zamanı müttəhim Səxavət Səmədovun halı pisləşib. O, polis əməkdaşının onun əleyhinə yalan ifadə verməsinə etiraz olaraq beş gündür ki, aclıq edir. Yanvarın 10-na keçən gecə S.Səmədov özünü asmaq istəyib, lakin kamera yoldaşı onu xilas edib.
Məhkəməyə təcili yardım çağırılıb. S. Səmədova ilkin yardım göstərildikdən sonra o, məhkəmə zalına qayıdıb.
Xatırladaq ki, İsmayıllı iğtişaşları ilə bağlı iş üzrə müttəhimlər kürsüsündə 18 nəfər əyləşib. Onların arasında REAL hərəkatının lideri İlqar Məmmədov və Müsavat Partiyasının sədr müavini Tofiq Yaqublu da var. Onlar 2013-cü il yanvarın 23-24-də İsmayıllıda kütləvi iğtişaşların təşkilində və iştirakda ittiham olunurlar. –06D-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz