![Dekabrda son iki ildə ən yüksək inflyasiya olub](https://turan.az/resized/750/500/resize/media/2014/main/011400065318.jpg)
Dekabrda son iki ildə ən yüksək inflyasiya olub
Dövlət Statistika Komitəsi yanvarın 14-də dekabr üzrə istehlak qiymətləri indeksini açıqlayıb. İstehlak bazarında qiymətlər noyabrla müqayisədə 1,9% bahalanıb. Bu, son 24 ayda ən yüksək göstəricidir. Buna yanacağın qiymət artımı təkan verib.
DSK-nın məlumatına görə, dekabr ayında ərzaq məhsullarının qiymətləri 2,6 faiz, qeyri-ərzaq mallarının qiymətləri 2,7 faiz, əhaliyə göstərilən pullu xidmətlərin qiymət və tarifləri 0,4 faiz bahalanıb. Qurumun əməkdaşlarının müşahidəsinə görə, ötən unun, düyünün, makaronun, mal və qoyun ətinin, toyuq ətinin, balıq məhsullarının, kolbasa məmulatlarının, süd və süd məhsullarının, yumurtanın, kərə yağının, bitki yağlarının, almanın, armudun, heyvanın, narın, bananın, qozun, fındığın, şabalıdın, kələmin, göyərtinin, kartofun, soğanın, sarımsağın, şəkərin qiymətlərində bahalaşma qeydə alınıb. Eyni zamanda, limonun, portağalın, naringinin, çuğundurun, kökün qiymətlərində ucuzlaşma olub.
Dövlət başçısı İlhm Əliyev 9 yanvarda Nazirlər Kabinetinin iclasında deyib ki, ötən il illik inflyasiya 2,4% olub və bu, yaxşıdır. Maraqlıdır ki, DSK hələ 2013-cü il üzrə inflyasiyanı açıqlamır.
2012-ci ildə rəsmi inflyasiya 1,1% olub. İqtisadi Tədqiqatlar Mərkəzinin alternativ hesablamasına görə, bu göstərici 9,9%-dir. 08B
İqtisadiyyat
-
Rəşad Hüseynov Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinə (ATM) yeni direktor təyin edilib. O, 2019-cu ildən mərkəzə rəhbərlik edən Firidusi Fikrətzadəni əvəz edib. Fikrətzadə iyunun 10-da öz istəyi ilə vəzifəsindən ayrılıb.
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
-
Azərbaycan Respublikası Dövlət Neft Şirkətinin (SOCAR) Prezidenti Rövşən Nəcəf, Sloveniya Ətraf Mühit, İqlim və Energetika Naziri Bojan Kumer ilə ikitərəfli enerji sektorunda əməkdaşlığı müzakirə etmək üçün görüş keçirdi.
-
Azərbaycanın energetika naziri Pərviz Şahbazov Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə görüşərək enerji sektorunda əməkdaşlığın inkişafını müzakirə edib.
Rəy yaz