Açiq mənbələrdən foto.
Bakı/15.12.21/Turan: Bu gün Bakı Ağır Cinayətlər Məhkəməsində Azərbaycan Xarici İşlər Nazirliyinin İşlər İdarəsinin keçmiş müdiri Fərhad Mollazadənin və Konsulluq İdarəsinin əməkdaşı Səlim Əlizadənin işi üzrə prosesdə dövlət ittihamçısının yekun çıxışı olub.
Prokuror hər iki müttəhimin 7 il müddətinə azadlıqdan məhrum olunmasını, onların barəsində ev dustaqlığı həbs qətimkan tədbirinin ləğv edilməsini və hər ikisinin məhkəmə zalında həbs olunmasını təklif edib.
Mollazadə və Əlizadə 2020-ci ilin mayında Azərbaycan Dövlət Təhlükəsizliyi Xidmətinin əməkdaşları tərəfindən həbs ediliblər.
Onlara qarşı Cinayət Məcəlləsinin 179.3.2-ci (külli miqdarda mənimsəmə), 308-ci (vəzifə səlahiyyətlərindən sui-istifadə) və 311-ci (rüşvət alma) maddələrilə ittiham irəli sürülüb.
İstintaq zamanı Xarici İşlər Nazirliyinin fəaliyyətində qurum üçün satınalmaların həyata keçirilməsində maliyyə sui-istifadə halları aşkarlanıb. Sövdələşmələr saxta tenderlər yoluyla həyata keçirilib. -16d-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz