Açiq mənbələrdən foto.
Bakı/18.12.21/Turan: Prokurorluq cinayət tərkibi olmadığı üçün hüquq müdafiəçisi Oqtay Gülalıyevə tibbi yardım göstərilməsi haqqında iş üzrə Şəhər tibbi klinik mərkəzinin və Baku City Hospital tibb müəssisələrinin həkimlərinə qarşı cinayət işi açmaqdan imtina edib.
Baş Prokurorluqdan Turan Agentliyinə verilən məlumata görə, iş 2021-ci il yanvarın 25-də əlavə istintaqa göndərilib və apreldə bağlanıb. Cinayət işi açılmasından imtinaya xüsusi tibbi ekspertizanın rəyi əsas olub.
Prokurorluğun cinayət işi açmaqdan imtina qərarı poçtla Oqtay Gülalıyevin ailəsinin qeydiyyatda olduğu ünvana göndərilib. Ailənin istintaqın qərarını almadığı barədə məlumata cavab olaraq Baş Prokurorluqdan bildiriblər ki, qərar yenidən poçtla ailəyə göndəriləcək.
Baş Prokurorluq Turan İnformasiya Agentliyinin direktoru Mehman Əliyevin baş prokuror Kamran Əliyevin adına məktubundan sonra açıqlama verib. -0-
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz