Bakı/26.09.18/Turan: Prokurorluq Bakının yaxınlığında Masazır qəsəbəsində iki nəfər sex sahibi - Əlfiqar Rəsulov və Füzuli Hacıyevin barəsində cinayət işi qaldırıb. Onlar özlərinə məxsus sexdə broyler toyuqlarına naməlum mənşəli boya sürtərək onlara təzə kəsilmiş görünüşü verərək "kənd toyuğu" adı altında satmaqda ititham olunurlar.
Qida Təhlükəsizliyi Agentliyinin təqdimatı ilə onlara qarşı CM-in 178.2.4 (dələduzluq) və 192.1-ci (qanunsuz sahibkarlıq) maddələri ilə cinayət işi başlanıb.
Müəyyən edilib ki, həmin şəxslər bir neçə ton məhsulu satış üçün müxtəlif ticarət nöqtələrinə paylayıblar. Məhkəmənin qərarı ilə onlar həbs edilib.-05D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz