Prokurorluq “sərf etməyən vəkil ovu”nu davam etdirir

Баку/17.03.20/Turan: Baş Prokurorluğun Ağır Cinayətlərə dair İşlər üzrə İstintaq İdarəsinin xüsusilə mühüm işlər üzrə müstəntiqi Orxan Babayev vəkil Zibeyda Sadıqova ilə bağlı Vəkillər Kollegiyasına şikayət göndərib.

Z.Sadıqovanın həyat yoldaşı vəkil Elçin Sadıqov bildirib ki, müstəntiqin müraciəti “Gəncə işi” üzrə keçən Müşviq Qurbanovun müdafiəsi ilə əlaqədardır.

M.Qurbanovun barəsində beynəlxalq axtarış elan edilib və o, bu ilin yanvarında Rusiyadan ekstradisiya edilib.

Fevralın 20-də vəkil M.Qurbanovun onun iştirakı ilə dindirilməsi üçün vəsatət qaldırıb. Müstəntiq hesab edib ki, Z.Sadıqova dövlət tərəfindən təyin edilmiş vəkil Akif Babayevin fəaliyyətini şübhə altına alır. Müstəntiqin məntiqinə görə, bununla Z.Sadıqova “Vəkillərin davranış qaydaları haqqında” əsasnaməni pozub.

Öz növbəsində Z.Sadıqova bildirib ki, Cinayət Prosessual Məcəlləyə görə, müstəntiqin Vəkillər Kollegiyasına məlumat göndərmək və onun üzərində araşdırma aparmaq vəzifəsini qoymaq səlahiyyəti yoxdur.

“Şəxsin müqavilə üzrə vəkilinin iştirakı ilə dindirilməsini tələb etmək də qeyri-adi bir hal yoxdur”, - Z.Sadıqova qeyd edib. O ümidvar olduğunu bildirib ki,  Vəkillər Kollegiyası işi icraata qəbul etməyəcək.

Z. Sadıqova hüquq-müdafiə sahəsində işlər üzrə ixtisaslaşıb. O, bir çox siyasi məhbusu müdafiə edib və bu işi davam etdirir.

Son illərdə Azərbaycanda siyasi məhbus kimi tanınmış şəxsləri müdafiə edən bir çox vəkil, o cümlədən Şəhla Hümbətova, Yalçın İmanov, İradə Cavadova, Xalid Bağırov, Əlayif Həsənov, Elçin Namazov və başqaları vəkillikdən kənarlaşdırılıb.06D-