Açiq mənbələrdən foto.
Bakı/24.01.22/Turan: "İctimai-siyasi sabitliyin pozulması", "vətəndaşların hüquq və azadlıqlarının pozulması" ilə bağlı nəşrlərin, habelə ölkənin müdafiə qabiliyyətinin möhkəmləndirilməsi üzrə tədbirlərin gözdən salınmasının qarşısının alınması məqsədilə bir qrup şəxs Baş Prokurorluğa çağırılıb və onların barəsində qanunla nəzərdə tutulmuş tədbirlər görülüb. Bu barədə Baş Prokurorluğun mətbuat xidmətinin 24 yanvar tarixli məlumatında deyilir.
Əsasən Yalçın Mirzəli, İlham Hüseynov, Nizami Abbaslı, Əfqan İsayev və Rasim Azadova qeyd olunan neqativ hərəkətlərin təkrarlanmasının yolverilməzliyi barədə xəbərdarlıq edilib.
Bundan əlavə, Facebook-da yayılması qadağan olunmuş informasiyanın dərcinə görə Namiq Əliyevin barəsində inzibati icraata başlanılıb. O həmçinin "dövlət orqanlarının fəaliyyətinin pozulmasına yönəlmiş çağırışlar edib, təhqiredici və böhtan xarakterli məlumatlar yayıb".
Binəqədi Rayon Məhkəməsinin qərarı ilə İnzibati Xətalar Məcəlləsinin 388-1.1.1-ci maddəsilə (İnternet-resursda yayılması qadağan olunmuş informasiyanın dərci) 1 ay müddətinə həbs edilib.
Lakin Baş Prokurorluq həmin şəxslərin və Facebook-da Yeniavaz.az səhifəni yaradan Namiq Əliyevin öz hesablarında nəyi paylaşdıqlarını açıqlamır.
Ekspertlərin fikrincə, prokurorluq məhz hansı kontentə görə istifadəçilərə xəbərdarlıq edildiyini və onların həbs olunduqlarını ətraflı açıqlamalıdır. –03B06-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz