Bakı/31.10.18/Turan: Qarabağ Komitəsi ATƏT-in Minsk Qrupunun həmsədr ölkələrinin - ABŞ, RF və Fransa səfirliklərinin qarşısında piket keçirəcək. Bununla əlaqədar Bakı Şəhər İcra Hakimiyyətinə müraciət edilib. Bu haqda komitənin məlumatında deyilir.
Piketlər noyabrın 8-nə planlaşdırılıb. Aksiyalar saat 11:00-da Fransa, saat 12:00-da ABŞ, saat 13:00-da Rusiya səfirliklərinin qarşısına keçiriləcək.
Aksiyaların keçirilməsində məqsəd Minsk Qrupu həmsədrlərini Dağliq Qarabağ probleminin tənzimlənməsində daha aktiv fəaliyyətə çağırmaqdır.
Bundan öncə Qarabağ Komitəsi sentyabrın 29-da "Qarabağa azadlıq" şüarı ilə mitinq keçirib və hakimiyyətdən Azərbaycanın ərazi bütövlüyünün bərpası ilə bağlı qətiyyətli addımlar atmağı tələb edib.
Növbəti mitinq noyabrın 24-nə təyin edilib.
*Qarabağ Komitəsi bu ilin yayında təsis edilib. Məqsəd kütləvi aksiyaların, elmi konfransların, sərgilərin və s. keçirilməsilə ictimaiyyətin diqqətini daim Qarabağ münaqişəsi üzərində saxlamaqdır.
Komitəyə 17 ictimai birlik və hərəkat, o cümlədən Qarabağ Azadlıq Təşkilatı, Klassik Xalq Cəbhəsi Partiyası, Milli Hərəkat, Vətəndaş Həmrəyliyi, İslam, Ağ, Milli Demokrat partiyaları, Qarabağ Qaziləri Təşkilatı və s., həmçinin fərdi qaydada 13 Qarabağ müharibəsi qazisi daxildir.-03С06--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz