Bakı/01.11.17/Turan: Çempionlar Liqasının qrup mərhələsində ilk dəfə çıxış edən Azərbaycanın "Qarabağ" klubu Madriddə sensasiyaya imza ataraq, İspaniyanın "Atletiko" komandası ilə oyunu 1:1 heç-heçə hesabı ilə başa vurub.
Madriddə yeni "Metroplitano" stadionunda keçirilən matçda hesabı "Qarabağ" açıb. 40-cı dəqiqədə ağdamlıların yarımmüdafiəçisi Miçel künc vuruşundan sonra topu başı ilə "Atletiko"nun qapısına göndərib.
İspaniyalılar 56-cı dəqiqədə cavab qolu atıblar. 3 dəqiqə sonra "Qarabağ"ın oyunçusu Pedro Enrike kobud oyuna görə meydançadan kənarlaşdırılıb.
Oyuncularının sayının azalmasına baxmayaraq, "Qarabağ" "Atletiko"nu güclü təzyiq altında saxlayaraq, Çempionlar Liqasının debüt sezonunda ikinci balını qazanıb.
Xatırladaq ki, "Qarabağ" "Roma", "Çelsi", "Atletiko" klubları ilə birlikdə Çempionlar Liqasının C qrupunda oynayır. Qrupda 8 balla "Roma" liderdir, "Çelsi"nin 7, "Atletiko"nun 3 balı var. -71D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz