Qaradağ rayon məhkəməsi Azərbaycan Xalq Cəbhəsi Partiyasının üzvü, Qarabağ qazisi İsmayıl Rəsulov barəsində 30 sutkalıq inzibati həbs qərarı seçilib. Bu barədə Turan-a AXCP-dən bildiriblər. O, İnzibati Xətalar Məcəlləsinin 535.1-ci (polisə tabe olmama) maddəsi ilə təqsirli bilinib.
Rəsulovun oğlu Elşən Rəsulov Turan-a bildirib ki, dünən atasına zəng ediblər və Qaradağ rayon 38-ci polis bölməsinə çağırıblar, daha sonra isə saxlayıblar. Bu zaman ailəsinə İ.Rəsulovun saxlanılmasının səbəblərini izah etməyiblər. Yalnız məhkəmə qərar çıxardıqdan sonra İ.Rəsulov doğmalarına zəng edib və həbs edildiyini bildirib, geyim və şəkər diabeti dərmanlarını gətiməyi xahiş edib.
İ.Rəsulov həm də Vətən (Qarabağ) Müharibəsi Veteranları İctimai Birliyinin Qaradağ rayon şöbəsinin rəhbəridir.
AXCP-də hesab edirlər ki, fəal siyasi motivlərlə, sosial şəbəkələrdə fəallığına və hakimiyyəti kəskin şəkildə tənqid etdiyinə görə təqib edirlər.
AXCP lideri Əli Kərimli öz facebook səhifəsində Qarabağ müharibəsinin ikinci qrup əlilinin böhtan ittihamlarla həbs edildiyindən əmin olduğunu bildirib. Hələlik ona niyə böhtan atıldığı aydın deyil, deyə Kərimli yazır. “Amma İsmayıl bəy Qarabağ müharibəsinin veteranı olaraq həmişə hüquqlarını tələb edib.
22 ildir mənzil almaq üçün növbədə olmasına baxmayaraq, indiyədək öz mənzili yoxdur, kirayə mənzildə yaşayır.
İsmayıl bəy daim facebook-da cəmiyyətdə hüquqsuzluq və özbaşınalıq, özünün dözülməz sosial vəziyyəti haqqında yazırdı. Amma höumət vətəndaşların sosial problemlərini həll etmək yerinə repressiyalar yolunu seçib. Onların Qarabağa, Qarabağ veteranlarına əsl sevgisi budur”, Kərimli belə hesab edir. -16D-
2016 Avqust 25 (Cümə axşamı) 12:49:15
Qarabağ müharibəsi iştirakçısı, II qrup əlil İsmayıl Rəsulov avqustun 24-də axşam saxlanılıb. Bu barədə Turan-a AXCP sədrinin müavini Gözəl Bayramlı məlumat verib.
Onun sözlərinə görə, İ.Rəsulov AXCP üzvü və Qarabağ müharibəsi itiraçkçılarının Qaradağ rayonu üzrə birliyinin sədridir. Hələlik onun saxlanmasının səbəbləri məlum deyil.
Lakin G.Bayramlı ehtimal edir ki, İ.Rəsulov sosial şəbəkələrdə hakimiyyəti kəskin tənqid etdiyinə görə saxlanıla bilər.
Qaradağ rayon 38 saylı polis bölməsində İ.Rəsulovun saxlandığını təsdiqləyiblər, lakin bunun səbəblərini açıqlamayıblar.
“Biz növbəyə yeni gəlmişik. Bunun səbəblərini bilmək üçün ailəsilə əlaqə saxlayın”, - polis əməkdaşı bildirib və əlavə edib ki, İ.Rəsulov məhkəməyə aparılıb. —06D--
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz