QHT-lərə Dəstək Şurası 15 ölkənin QHT-lərini də müsabiqəyə qatır
QHT-lərə Dövlət Dəstəyi Şurası bu günlərdə yerli və xarici QHT-lər üçün layihə müsabiqəsi məsələsini müzakirə edib.
Şuranın icraçı deirektoru Fərasət Qurbanov müsabiqənin şərtləri haqqında danışıb.
Bu dəfəki müsabiqədə nəzərdə tutulan yeniliklər haqqında məlumat verilib. Qurbanov bu müsabiqənin daxili QHT-lərlə birgə, xarici ölkələrin QHT-lərini əhatə edəcəyini bildirib. Ərizələrin qəbulunun elektron formada həyata keçiriləcəyi nəzərə çatdırılıb. Bunun üçün QHT-lərin bu məqsədlə yaradılan (www.e-qht.az) saytına müraciət etməsi lazımdır.
15 xarici ölkələrin QHT-lərinə (Fransa, Böyük Britaniya, Belçika, Almaniya, Avstriya, Macarıstan, Polşa, Norveç, Rusiya, Türkiyə, ABŞ, Çexiya, Ukrayna, İsveçrə və Litva) aşağıdakı mövzular üzrə layihə müsabiqəsi nəzərdə tutulur: Sülh və təhlükəsizliyin möhkəmləndirilməsi və regional münaqişələrin mənfi nəticələrinin aradan qaldırılması (Ermənistan – Azərbaycan, Dağlıq Qarabağ münaqişəsi müstəvisində); insan hüquq və azadlıqlarının qorunması; ksenofobiya, islamafobiya və irqçilik təzahürlərinə qarşı mübarizə; ölkələr və vətəndaş cəmiyyətləri arasında uğurlu əməkdaşlıq üçün mədəniyyətlərarası dialoqun gücləndirilməsi; gələcəkdə oxşar faciələrin qarşısının alınması məqsədi ilə Xocalı soyqırımı haqda məlumatların Avropa və ABŞ ictimaiyyətinə çatdırılması.
Müzakirələrdə QHT-lərin ümumi yığıncaqlarının qanunvericiliyə uyğun şəkildə keçirməməsi, bir sıra QHT-lərin hüquqi və faktiki ünvanlarının müəyyən edilməsində problemlər yaşanması qeyd olunub. Bu səbəbə görə yaxın gələcəkdə hər bir QHT-nin Ədliyyə Nazirliyindən çıxarış almalı olduğu bildirilib.
Bu müsabiqədə ilk dəfə olaraq yerli QHT-lərə koalisiya quraraq layihələr təqdim etmək imkanı yaradılır.
Müsabiqə şərtləri şura üzvlərinin təklif və rəyləri nəzərə alınmaqla qəbul edilib. -05D-
-
- İqtisadiyyat
- 23 May 2013 16:59
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz