QHT şəffaflıq koalisiyası Azərbaycan hökuməti tərəfindən sıxışdırılmasına dair hesabat hazırlayır

  Demokratiya və Rifah Hərəkatının rəhbəri Qubad İbadoğlu “Hasilat sahəsində şəffaflıq təşəbbüsləri” (EITI) beynəlxalq təşkilatına daxil olan QHT-lərin fəaliyyətinin Azərbaycan hakimiyyəti tərəfindən qarşısının alınmasına dair araşdırma üzərində işi başa çatdırır. Araşdırma aprelin sonunadək ictimaiyyətə təqdim olunacaq, - o bildirib.

2014-cü ilin mayından hökumət vətəndaş cəmiyyətinə qarşı kütləvi repressiyalara başlayıb. Bir çox QHT-nin bank hesabları dondurulub, xarici donorlardan qrant alınmasına qadağa qoyulub. Bu zaman 2014-cü ilin fevralında qəbul edilmiş qanunverici məhdudiyyətlərdən istifadə olunub.

Hakimiyyət fəallar arasında vergidən yayınma və digər pozuntularla
bağlı siyasi motivli cinayət işlərinə başlayıb. Bu, 20- dən çox QHT-ni əhatə edib.

Hakimiyyətin sanksiyalarından əziyyət çəkən  EITI fəalları arasında Qubad İbadoğlu (EITI İdarə Heyətinin üzvü və milli koordinator); İnsan Hüquqları  və Demokratiya İnstitutu  (Elçin Abdullayev); Neftçilərin Hüquqlarını Müdafiə Komitəsi (Mirvari Qəhrəmanlı); İqtisadi İslahatlara Yardım Cəmiyyəti (Zöhrab İsmayıl) və başqaları var.

Hasilat sahəsində şəffaflıq təşəbbüsü 2002-ci ilin oktyabrında Toni Bler tərəfindən irəli sürülüb. Əsas məqsəd hasilat şirkətlərinin ödənişləri və təbii resurslara malik ölkə hökumətlərinin gəlirləri haqda məlumatların şəffaflığıdır.

2009-cu ilin fevralında Azərbaycan  EITI uyğunluğuna malik ilk ölkə olub. Lakin 2014-cü il oktyabrın 27-də hökumət artıq neft gəlirlərinin şəffaflığında maraqlı olmayıb və EITI tərkibindən çıxdığını bəyan edib.

2015-ci ilin aprelində “Hasilat sahəsində şəffaflıq təşəbbüsləri” (EITI) beynəlxalq təşkilatı Azərbaycanın bu qurumda statusunu “daimi üzv” səviyyəsindən “namizəd ölkə” səviyyəsinə endirib. Qərar vətəndaş cəmiyyətinin boğulmasına cavab olaraq EITI İdarə Heyəti tərəfindən qəbul edilib.

EITI-nin qərarı Azərbaycan hakimiyyətini beynəlxalq maliyyə yardımından məhrum edib.

Neftin qiyməti endikdən sonra Bakı “qəflətən” anlayıb ki, donorların dəstəyinə ehtiyacı var və əvvəlki statusunu qaytarmaq ümidilə EITI ilə danışıqları bərpa edir. Lakin beynəlxalq maliyyə institutları kimi EITI də  şərt olaraq vətəndaş cəmiyyətinin problemlərinin həllini tələb edir.0—