Açiq mənbələrdən foto.
Qiyas İbrahimov həbsdən buraxılıb, amma ittihamlar ləğv edilməyib
Bakı/10.06.20/Turan: Dünən axşam saxlanılmış fəal Qiyas İbrahimov bu gün səhər sərbəst buraxılıb. O, Nizami rayon polis idarəsində saxlanılıb, səhər isə polis rəisi "yuxarıdan" zəng edib Qiyası sərbəst buraxmağı əmr etdiklərini bildirib.
Amma Qiyasın eynəyini və iyunun 9-da yaşadığı evin damında aksiya keçirərkən istifadə etdiyi meqafonunu qaytarmayıblar.
"Məni saxlayarkən bir-iki dəfə vurdular, damda sürüyərkən isə kürəyimi və ayaqlarımı yaraladılar. Polisdə mənə İnzibati Xətalar Məcəlləsinin 510-cu (kiçik xuliqanlıq) maddəsi ilə ittiham etdiklərini dedilər. Məhkəməyə aparacaqdılar, amma indi bilmirəm necə olacaq", deyə Qiyas İbrahimov jurnalistlərə bildirib.
Qeyd edək ki, polis özü hələlik İbrahimovun etiraz aksiyası ilə bağlı rəsmi məlumat yaymayıb.
Fəal binanın damından "Bəsdir əyildin, susma, sən də din" şüarı yazılan böyük plakat asıb. Meqafon vasitəsilə o, vətəndaşları küçələrə çıxıb etiraz etməyə çağırıb. Bu müraciət sosial şəbəkələrdə onlayn nümayiş olunub.
Xatırladaq ki, iyunun 8-də səhər saatlarında çevik polis alayı paytaxtın yaşayış məhəlləsində reyd həyata keçirib, polislər vətəndaşların mənzillərinə daxil olur, insanları döyür və təhqir edirdilər. Qadınlar da daxil olmaqla, 11 nəfər həbs edilib.
Polisin bu vəhşiliyinə bir gün əvvəl bina sakinlərinin karantin rejimini pozan bina sakinini saxladıqlarına görə polislərə zibil atması səbəb olub. -0-
-
- Media
- 10 İyun 2020 11:47
Cəmiyyət
-
Azərbaycan bu il noyabrın 11-dən 22-nə kimi BMT-nin İqlim Dəyişikliyi Konfransına (COP29) ev sahibliyi edəcək. Rəsmi məlumatlara görə, ölkəyə 11 gün davam edən bu tədbirə qatılmaq üçün 50-70 min civarında qonağın gəlməsi planlaşdırılır.
-
Şənbə günü Bakıda və Abşeron yarımadasında yağıntı gözlənilmir, şimal-qərb küləyi cənub küləyi ilə əvəz olunacaq.
-
Son günlər yağışlar nəticəsində Bakının Binəqədi rayonunun bəzi ərazilərində, Abşeron rayonunda müəyyən yerlərdə evləri su basıb. Sakinlər şikayətlənir ki, bu hal illərdir baş verir. Biləcəri qəsəbəsində yaşayan Mahir Məmmədov AzadlıqRadiosuna bildirib ki, üç gün əvvəl, mayın 6-da yağan leysandan sonra evinə su dolub: "Bizdə həyət evidir. Yağış yağıb, evim su içindədir, mebellərimə də ziyan dəyib. Bu vəziyyət illərdir davam edir. Şikayət etmədiyimiz qurum qalmadı. Hər dəfə deyirlər ki, nasoslar çatdırmır, düzələcək, amma düzəlmir".
-
9 may Qələbə bayramı münasibətilə Azərbaycanda prezidentin sərəncamı ilə İkinci Dünya Müharibəsi iştirakçılarına 2 min manat (1167 dollar) birdəfəlik yardım ayrılıb. Ölkədə 1941-1945-ci illər hərbi əməliyyatlarının cəmi 30 nəfər birbaşa iştirakçısı qalıb.
Rəy yaz