Qruplaşmada birləşənlər say üstünlüyü ilə AXCP-də rəhbərliyi ələ almaq istəyirlər

Xalq Cəbhəsi (AXCP) Partiyasından çıxmış bir qrup şəxs çərşənbə günü Beynəlxalq Mətbuat Mərkəzində sonrakı fəaliyyətlərinə dair mətbuat konfransı keçiriblər.

Qrupun lideri Razi Nurullayev AXCP adına iddia etdiklərini bildirib və partiyada hakimiyyəti ələ almaq üçün tərəfdarlarını partiya ətrafında “birləşməyə” çağırıb. Onun fikrincə, partiya daxilində üstünlüyə malik olmaqla partiyada hakimiyyəti ələ keçirə bilcəklər. O, bu addımı atmalarını ölkənin “ciddi müxalifət problemi” yaşaması ilə izah edib. Onun fikrincə, mövcud müxalifət indiki iqtidarı, iqtidar isə indiki müxalifəti öz statusunda saxlamağın qarantıdır. Onun sözlərinə görə, AXCP sədri Əli Kərimli və “yaxın ətrafı partiyada hakimiyyəti “qəsb” edib.

Daha sonra qrupun bəyanatı oxunub. Qrupda birləşənlər əsl AXC-ni bərpa etmək, partiyanı bir nəfərin ambisiyasına qurban verilməkdən xilas etmək istədikləri haqqında gurultulu mövqe səsləndirib. Sənəddə AXCP-nin xalq içində “etimadı” itirdiyi, indiki halda ölkədəki antimilli hakimiyyətim maraqlarına cavab verdiyi iddia edilib. Müəlliflər partiyanı “iqtidar partiyasına döndərəcəkləri” vədi verirlər. Partiyada rəhbərliyin dəyişməsi üçün “etimad qurultayı” çağırılması təklifi səsləndirilib.

Tədbirdə danışan qrup üzvləri “partiyanın öz yoluna qayıtmalı olması”, “partiyanın fərdə yox, millətə xidmət etməli olması” kimi trafaretlərdən yetərincə istifadə ediblər. İndiki partiya rəhbərliyinin gənclərin yolunu kəsdiyi iddia edilib, yeni qrup partiyada hakimiyyəti ələ aldığı halda gənclərin öndə olacağını bəyan edib. Yenə də bu şəxslərin düşüncəsinə görə, 20-30 ildir ki, partiya rəhbərlyində olanlar istefa verməlidirlər. Natiqlərə görə, partiyaların dirçəlişi üçün “yeni nəfəslərə” ehtiyac var. Hətta bəziləri partiyada rəhbərliyə özlərinin gəlməli olduqlarını birmənalı ortaya qoyurdular. Natiqlərin bəzilərinə görə, iqtidarla AXCP arasında düşmənçilik var və buna səbəb də AXCP sədri Əli Kərimli özüdür.

“Turan”ın müxbirinin “göz önündə 3 təcrübə var, Etibar Məmmədov getdikdən sonra Milli İstiqlal, Əbülfəz Elçibəyin vəfatından sonra Xalq Cəbhəsi, İsa Qəmbərin istefasından sonra Müsavat partiyasından istefalar oldu. İndiki halda partiya ətrafında birləşmək ideyanız baş tutmasa, bu uğursuzluğu nə ilə izah edəcəksiniz?” sualına R.Nurullayev yolu getdikləri, ideyalarına inandıqları bəyanatı səsləndirib. -05C-

Rəy yaz

Cəmiyyət

Navalnının ölümü: Siyasi məhbusların həyatına görə kim məsuliyyət daşıyır? – Bəşir Süleymanlı Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti