AzTV sədri Arif Alışanov şərəf və ləyaqətinin tapdanması iddiası ilə məni məhkəməyə verir”, - tanınmış teleaparıcı Qulu Məhərrəmli Turan-a deyib. Onun sözlərinə görə, AzTV sədri bununla bağlı xüsusi ittiham qaydasında cinayət işi açılması üçün Nəsimi Rayon Məhkəməsinə müraciət edib. “A.Alışanov mənim Cinayət Məcəllləsinin 147.1-ci (böhtan) və 148.1-ci maddələrilə məsuliyyətə cəlb edilməyimi istəyir, bu maddələrdə şəxsin azadlıqdan məhrum edilməsi cəzası da nəzərdə tutulur”, - Q.Məhərrəmli bildirib.
Onun sözlərinə görə, Az.TV sədrinin bu addımı atmasına səbəb Azərbaycanda televiziyanın kütləvi yayıma başlamasının 60 illiyi ilə bağlı moderator.az saytına müsahibəsində tənqidi fikırlər səsləndirməsidir.
“Onun şikayət ərizəsində məni niyə ittiham etdiyini dəqiq müəyyənləşdirə bilmədim. Məlum müsahıbəmdə Azərbaycan televiziyasının tarixini qısaca təhlil etmişəm, bu gününə nəzər salmışam, yaxşısı, pisi barədə mülahizələrimi söyləmişəm, təhlükəli saydığım tendensiyaları göstərib bunları doğuran bəzi səbəblər haqqında danışmışam”,- Q.Məhərrəmli qeyd edib.
Q.Məhərrəmliyə görə, ictimai nəzarətin bir üsulu kimi tənqid, görünür, AzTV-də hələ yaxşı başa düşülmür və haqqında söhbət gedən tənqiddən sonra A.Alişanovun atdığı impulsiv addımlar tutduğu vəzifənin məsuliyyətini lazımınca dərk etməməsini göstərir.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz