�Radiozavod�da baş vermiş partlayışın səbəbləri məlum deyil
Bakı/07.02.18/Turan: Fevralın 6-da Bakının Xətai rayonunda "Radioquraşdırma" zavodunun yaxınlığında yerləşən "Üfüq" İstehsalat Birliyində baş vermiş partlayışın səbəbi hələlik məlum deyil. Müəssisənin aid olduğu Müdafiə Sənayesi Nazirliyinin məlumatından belə görünür.
"Partlayış 120 kv. metr yardımçı sahədə yanğın zamanı baş verib", - məlumatda deyilir.
Mənbənin xəbərinə görə, həmin yardımçı sahədə elektrik enerjisi və qazdan istifadə olunmur.
Öz növbəsində FHN-in məlumatında deyilir ki, yanğın sahəsi 240 kv. m. olan pirotexniki vasitələr anbarında baş verib.
Qeyd edək ki, bu, son illər müdafiə sənayesi və hərbi obyektlərdə baş verən ilk hadisə deyil.
Belə ki, 2016-cı ilin iyulunda Şirvanda silah zavodunda güclü partlayış baş vermişdi. Nəticədə bir neçə nəfər həlak olub, 20-dən çox adam yaralanmışdı.
Bəzi məlumatlara görə, partlayış hazır məhsulların anbarında yüklərin boşaldılması zamanı baş vermişdi.
2017-ci ilin avqustunda Xızı rayonunda hərbi sursatlar zavodunda güclü partlayış baş vermişdi. Nəticədə ölən və yaralananlar olub. Ətrafdakı evlərə, təsərrüfat tikililərinə və digər obyektlərə ziyan dəyib.
Partlayışlar nəticədində Bakı-Quba avtomobil magistralı bağlanmışdı. Yaxınlıqdakı qəsəbələrin əhalisi evakuasiya edilmişdi.-02D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz