Bu gün Reportyorların Azadlıq və Təhlükəsizlik İnstitutunun (RATİ) rəhbəri Emin Hüseynov Media Mərkəzdə Azərbaycanda ifadə azadlığının vəziyyəti haqqında yarımillik hesabatı (1 yanvar – 1 iyul 2012-ci il) təqdim edib.
Hesabat International Media Support (IMS) və National Endowment for Democracy-nin (NED) dəstəyi ilə hazırlanıb.
Hüseynov qeyd edib ki, hesabat konkret müraciətlər və monitorinqlər əsasında hazırlanıb və jurnalistlərə qarşı cinayətlərin cəzasızlığını, jurnalistlərin və hüquq müdafiəçilərinin təqib və həbs olunmasını, hakimiyyəti tənqid edənlərə qarşı məhkəmə təzyiqlərini, İnternetdə ifadə azadlığı sahəsində problemi və media üzərində dövlət nəzarətini əks etdirir.
Hesabatda həmçinin tövsiyələr yer alıb. “Hakimiyyəti Elmar Hüseynovun və Rafiq Tağının qatillərini tapmağa, bununla da jurnalistlərə qarşı cinayətlərin cəzasızlığına son qoymağa çağırırıq”, deyə Hüseynov bildirib.
Hesabatda həmçinin jurnalist Xədicə İsmayılovaya qarşı cinayətlərin üstünün açılması, bir sıra qanunlara, o cümlədən “İnformasiya əldə edilməsi haqqında” qanuna informasiya əldə etmək azadlığını məhdudlaşdıran düzəlişlərin ləğv edilməsi tövsiyə olunur.
“Beynəlxalq qurumlara Azərbaycanda söz və ifadə azadlığı problemlərinə və Azərbaycanın beynəlxalq öhdəliklərini yerinə yetirməsinə daha diqqətlə yanaşmağı tövsiyə edirik. Qoy onlar göz yummasınlar, fəal tədbirlər görsünlər”, deyə RATİ rəhbəri bildirib.
Hesabat müəllifləri jurnalist həmkarlarına jurnalist etikasına riayət etməyi və təhlükəsizlikləri məsələsində diqqətli olmağı tövsiyə edirlər. “Jurnalistlər öz problemləri haqqında susmamalıdır”, deyə Hüseynov bildirib.
O qeyd edib ki, ölkədə əsas problem fərqli fikrə qarşı dözümsüzlükdür ki, bu da çox vaxt vətəndaşlardan deyil, hakimiyyətdən irəli gəlir.
Hesabata həbsdə olan 8 jurnalistin adları daxil edilib: “Xural” qəzetinin iki əməkdaşı – Əvəz Zeynallı və Aydın Canıyev, “Xəyal” regional TV-nin iki əməkdaşı – Zaur Quliyev və Vüqar Qonaqov, İran televiziyasının müxbiri Anar Bayramlı, “islamazeri.az” saytının baş redaktoru Ramin Bayramov və “azadxeber.az” saytının baş redaktoru Nicat Əliyev – hər ikisi narkotik saxlamaq ittihamı ilə həbs olunub.
Siyahıya həmçinin əvvəlcə narkotik saxlamaqda, sonradan isə dövlətə xəyanətdə ittiham olunan “Tolışi sədo” qəzetinin baş redaktoru Hilal Məmmədovun adı da salınıb.
Emin Hüseynov həmçinin cari ilin 9 ayı üçün aralıq hesabat hazırlanacağını bildirib. -04С-
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz