Jurnalist Rauf Mirqədirov atasının dəfn mərasimində iştirak edib. Dəfn mərasimi “Qurd qapısı” məzarlığında olub. O, bir neçə mülki geyimli şəxsin nəzarətində olub. Lakin onlar R.Mirqədirovun jurnalistlərlə söhbətinə maneçilik törətməyiblər.
R.Mirqədirov özünü müqəssir saymadığını bildirib. Jurnalist həbsdən sonra onu dəstəkləyən hər kəsə KİV vasitəsilə təşəkkürünü bildirib. Eyni zamanda deyib ki, ona təzyiq göstərilməyib. O həmçinin atasının dəfnində iştirak imkanı verildiyinə görə təşəkkürünü bildirib.
R.Mirqədirov mayın 26-dək evdə olacaq və mərhumun “üç” mərasimində iştirak edəcək. Lakin onun evdə qalma müddəti mərhumun “yeddisi”nə qədər uzadıla bilər.-0-
2014 May 24 (Şəmbə) 15:37:16
Rauf Mirqədirovu atasının dəfnində iştirak etmək ücün evlərina gətiriblər
2014 May 24 (Şəmbə) 13:12:05
Sülh və Demokratiya İnstitutunun direktoru Leyla Yunus Baş Prokurorluğun Rauf Mirqədirova atasının dəfnində iştirak etmək imkanı verilməsi haqqında məlumatını yanlış hesab edir. Yunus hesab edir ki, beləliklə Baş Prokurorluq Mirqədirovun azad edilməsi üzrə ictimai təşəbbüsə yol verməməyə çalışır. Yunus bildirib ki, bu gün saat 14.00-da bir qrup vətəndaş cəmiyyəti nümayəndəsi Mirqədirovun dəfndə iştirakını təmin etmək çağırışı ilə baş prokurora müraciət etməyi planlaşdırır.
***
Fuad Ağayev Turan agentliyinə bildirib ki, Baş Prokurorluq bu gün Rauf Mirqədirovun atasının dəfnində iştirakına icazə verib.
***
Rauf Mirqədirovun vəkili Fuad Ağayev onun bu gün vəfat etmiş atasının dəfnində iştirakına icazə verilməsi xahişi ilə Baş Prokurorluğa müraciət edib. Bu barədə Turan-a vəkil özü bildirib.
Jurnalistin ata evi Zərdabi küçəsi 53, 6-cı kvartal ünvanında yerləşir (“Üç tac”ın qarşısındakı 16 mərtəbəli ev).-06D-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz