Rauf Mirqədirov bəraət alıb jurnalistikaya qayıtmaq niyyətindədir (YENİLƏNİB)
Martın 17-də Bakı Apellyasiya Məhkəməsi tərəfindən azad edilmiş Rauf Mirqədirov tam reabilitasiyaya nail olmaq niyyətindədir.
Bu barədə jurnalistlərə bildirən Mirqədirov qeyd edib ki, ittiham tərəfi onun təqsirinin heç bir sübutunu təqdim etməyib və edə də bilməzdi, belə ki, o, ittiham olunduğu əməlləri törətməyib – Ermənistanın və hər-hansı başqa ölkənin xüsusi xidmətləri ilə əlaqəsi olmayıb.
Mirqədirov ona qarşı bu cinayət işini Azərbaycana düşmən ölkənin xüsusi xidmətlərinin təxribatı hesab edir, Azərbaycanın hüquq-mühafizə orqanları da dərk etmədən bu təxribata cəlb olunublar.
Bununla belə, Mirqədirov bildirib ki, istintaq zamanı ona bu və ya digər ifadələr almaq məqsədilə təzyiq göstərilməyib. “MTN istintaq təcridxanasında mənə qarşı münasibət kifayət qədər düzgün idi”, deyə o bildirib.
Bununla belə, 23 ay birnəfərlik kamerada saxlanması faktını Mirqədirov “ağır sınaq” hesab edir, belə ki, insanlarla ünsiyyət imkanından məhrum edilmişdi və ilk vaxtlar ailəsinin taleyindən xəbərsiz qalırdı. Mənzillərində axtarış aparıldıqdan sonra atasının ölümü onun üçün ən böyük sarsıntı olub.
Mirqədirov həbsdən sonra səhhətini düzəltdikdən dərhal sonra jurnalist fəaliyyətinə qayıtmaq niyyətindədir.
Jurnalistin ciddi müalicəyə ehtiyacı var, onun görmə qabiliyyətində ciddi problemlər yaranıb, müntəzəm baş ağrıları, hipertoniya xəstəliyi əmələ gəlib.
Mirqədirov tam bəraət əldə etmək üzrə gələcək addımları öz vəkili ilə müzakirə etmək niyyətindədir. Bu zaman o qeyd edib ki, xaricdə olan ailəsinə qovuşmaq istərdi, amma şərti cəza məhdudiyyətləri bunun üçün maneədir.
Mirqədirov həbsdə olduğu müddətdə onu dəstəkləyən və azad edilməsində rolu olan hər kəsə təşəkkür edib.
Mirqədirov 2014-cü ilin aprel ayında Ermənistanın xeyrinə casusluq etməklə dövlətə xəyanət ittihamı ilə həbs olunub. Sonradan o, 6 il müddətinə azadlıqdan məhrum edilib. Apellyasiya Məhkəməsi real həbs müddətini 5 il sınaq müddəti olmaqla, şərti cəza ilə əvəz edib. -03C06-
2016 Mart 17 (Cümə axşamı) 12:09:55
Bu gün Bakı Apellyasiya Məhkəməsi (BAM) jurnalist Rauf Mirqədirovun şikayəti üzrə qərar çıxarıb. Məhkəmə onun barəsində 6 il azadlıqdan məhrumetmə cəzasını 5 il şərti cəza ilə əvəz edib.
Xatırladaq ki, jurnalist 2014-cü ilin aprelində dövlətə xəyanət ittihamı ilə həbs olunub.
O, bu ittihamı təkzib edirdi. -06D-
-
- İqtisadiyyat
- 17 Mart 2016 13:45
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz