REAL Hərəkatının fəalı Rahim Şaliyevə Sumqayıt Şəhər Polis İdarəsində fiziki işgəncə veriblər. Bu barədə vəkil Yalçın İmanov fevralın 22-də Sumqayıt Şəhər Polis İdarəsinin müvəqqəti saxlama yerində R.Şalıyevlə görüşdükdən sonra Turan agenliyinə bildirib.
Fevralın 20-də Sumqayıt Şəhər Məhkəməsi REAL-ın Sumqayıt təşkilatının fəalı, bloger Rahim Şaliyevə inzibati qaydada 30 sutka həbs verib. Fəal xırda xuliqanlıqda və polisin qanuni tələbinə tabe olmamaqda günahkar bilinib.
“Şaliyev mənə dedi ki, fevralın 20-də onu ilk olaraq Sumqayıt Şəhər Polis İdarəsinin 4-cü polis bölməsinə aprıblar. Sonra Şəhər Polis İdarəsinin rəis müavininin otağına aparıblar və ona REAL Hərəkatı, hərəkatın Sumqayıt Məclisi, Məclisin sədri, üzvləri barədə sullar veriblər. Facebook şəbəkəsində statuslarına irad bildiriblər və səhifəsinin parolunu deməsini tələb ediblər. Şaliyev parolu deməyib və REAL barədə suallara cavab verməyib. Bu zaman rəis müavininin tələbi ilə fəalı başqa otağa keçirərək 5 polis əməkdaşı döyüb. Onun barmaqlarını qanırıblar, barmağında xəsarət izləri qalır. Döyülmə zamanı Şalıyevın səhhəti pisləşib, onun ürəyində problemlər var. Bu zaman polislər su verib və yenidən hədə-qorxu gəlib, döyərək Facebook statuslarına son qoymasını tələb ediblər. Baş nahiyəsinə zərbələr endiriblər”, - vəkil qeyd edib.
Bundan sonra yenidən R.Şaliyevi 4-cü polis bölməsinə aparıblar.
“Orada saxta protokol tərtib ediblər. Guya Şaliyev küçədə mobil telefonla kiminləsə danışanda söyüş söyüb və polisin tələbinə tabe olmayıb”, -Y. İmanov bildirib.
Sumqayıt Şəhər Məhkəməsi bu ittihamla R.Şaliyevə 30 sutka inzibati həbs verib.
“Məhkəmədən sonra Şaliyevi yenə Sumqayıt Şəhər Polis İdarəsinə gətiriblər. Orada fəala zor gücü ilə unitaz təmizlətdiriblər və videoya çəkiblər. Daha sonra onu polis idarəsində bir neçə qadının saxlanıldığı otağa aparıb üst paltarını və şalvarını soyundurub döşəmə sildiriblər. Bunların hamısını videoya çəkiblər. Onu bir daha rəis müavininin otağına qaytarıblar və REAL ilə bağlı sual-cavab ediblər. İstədiklərini demədikdə qonşu otağa aparıb yenidən döyüblər, dəyənəklə vuraraq zorlamaqla hədələyiblər. Bu zaman Şaliyev pəncərənin önünə keçərək işgəncə dayandırılmasa özünü pəncərəyə vuracağı ilə hədələyib. Bundan sonra işgəncə dayandırılıb”, - vəkil bildirib. .—06D--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz