REAL Hərəkatı: Mehriban Əliyevanın təyinatı ölkənin problemlərini həll etməyəcək
REAL Hərəkatı Mehriban Əliyevanın ölkənin birinci vitse-prezidenti təyin edilməsi ilə bağlı bəyanat yayıb.
“REAL 2009 və 2016-cı illərdə keçirilmiş referendumlarla Konstitusiyaya edilən antidemokratik və bir ailənin dövlət hakimiyyətini zəbt etməsinə yönələn dəyişikliklərə qarşı qəti mövqeyində qalır.
M.Əliyevanın birinci vitse prezident təyin edilməsi respublika dəyərlərinin məhvinə yönəlib, müasir və demokratik dövlət idarəetmə prinsiplərinə zidd olmaqla yanaşı ölkənin imicinə böyük zərbədir”, - bəyanatda deyilir.
REAL hesab edir ki, bu addım ölkədə mövcud sosial-iqtisadi problemləri nəinki həll etməyəcək, onları daha da dərinləşdirəcək.
REAL inanır ki, Azərbaycanın təhlükəsiz və firavan gələcəyi respublika dəyərlərinin tam şəkildə bərqərar edilməsindən, insan hüquq və azadlıqlarının tam şəkildə qorunmasından, azad və ədalətli məhkəmə sistemindən və digər zəruri siyasi və iqtisadi islahatlardan asılıdır.
“REAL bu gələcəyi ölkəyə bəxş edənə qədər təmkinlə və ardıcıl olaraq fəaliyyətini davam etdirəcək”, - sənəddə vurğulanır. —06D—
-
- İqtisadiyyat
- 22 Fevral 2017 15:21
-
- Cəmiyyət
- 22 Fevral 2017 16:06
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz