Bakı/26.10.18/Turan: Mediaportal rəhbəri İkram Rəhimov bu gün mülki geyimli şəxslər tərəfindən saxlanılıb və naməlum istiqamətə aparılıb. Bu barədə onun yaxınları xəbər verib.
Bundan əvvəl o, Turan Agentliyinə BMW markalı 90 EM 525 nömrəli avtomobilinin Masazır yolunda ağ rəngli Hundai Sonata markalı avtomobildəki naməlum şəxslər tərəfindən təqib olunduğunu bildirib. Bu, 14:41-də baş verib. "Onlardan qopmağa çalışıram, amma alınmır", deyə o telefonla bildirib.
Sonradan Rəhimov onu təqib edənlərdən qurtula bildiyini və Turan agentliyinin ofisinə tərəf gəldiyini bildirib.
Ofisə gələn Rəhimov Turan-ın direktoru Mehman Əliyevə bildirib ki, onun avtomobili Askürü restoranı yaxınlığında yolda naməlum şəxslər tərəfindən mühasirəyə alınıb, amma o, onu təqib edən şəxslərdən qurtula bilib. Onun sözlərinə görə, onlar dörd nəfər idilər.
Rəhimov bildirib ki, DİN-in "102" xidmətinə zəng edib, hadisə haqqında məlumat verib.
Onun sözlərinə görə, prezidentin ictimai-siyasi məsələlər üzrə köməkçisi Əli Həsənovun ünvanına tənqid yer alan açıq məktub dərc etdiyinə görə təqib edilir.
http://realliq.info/xeberlenti/14562-eli-hesenova-achiq-mektub-ozumu-yerinize-qoya-bilmedim.html
"Hüquq-mühafizə orqanlarına müraciət etmək niyyətindəyəm", deyə Rəhimov bildirib və agentliyin ofisindən çıxıb. Amma çıxışda S.Rəhimov küçəsində o, onu təqib edən şəxslər tərəfindən saxlanılıb və avtomobillə aparılıb.
Əvvəllər Rəhimov dəfələrlə Ə.Həsənovu KİV sahəsində siyatinə görə tənqid edib. Onun saytları dəfələrlə məhkəmə qərarı olmadan bloklanıb, o özü isə açıq təzyiqə məruz qalıb. -0-
* * *
Redaktorun avtomobili naməlum şəxslər tərəfindən təqib olunur
Bakı/26.10.18/Turan: Mediaportal rəhbəri İkram Rəhimov Turan-a bildirib ki, onun BMV markalı 90 EM 525 nömrəli avtomobili Masazır yolunda ağ rəngli Hundai Sonata markalı avtomobildəki naməlum şəxslər tərəfindən təqib olunur.
"Onlardan qopmağa çalışıram, amma alınmır", deyə o, Turan-a bildirib.
Bir müddət əvvəl Rəhimov prezidentin ictimai-siyasi məsələlər üzrə köməkçisiçi Əli Həsənovun ünvanına tənqid yer alan açıq məktub dərc edib.
http://realliq.info/xeberlenti/14562-eli-hesenova-achiq-mektub-ozumu-yerinize-qoya-bilmedim.html---0--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz