Ceyhun Nəbi
Ceyhun Nəbi azad edilib
Bakı/26.10.18/Turan: Oktyabrın 23-də Şəmkir rayonunda saxlanılan Klassik Xalq Cəbhəsi Partiyasının fəalı Ceyhun Nəbi oktyabrın 26-da azadlığa buraxılıb. Bu barədə Ceyhun Nəbi özü "Amerikanın Səsi"nə bildirib.
"Məni oktyabrın 26-da saat 15.30 radələrində azad buraxdılar", deyə o qeyd edib.
C.Nəbi deyib ki, onu oktyyabrın 23-də Rusiyadan gəldikdən sonra Şəmkir rayonunda mülki geyimli şəxslər saxlayaraq yerli polis şöbəsinə və sonra isə Bakıya gətiriblər. Məni sosial şəbəkələrdəki fəaliyyətimlə bağlı saxladıqlarını bildirdilər. Orada cinayət işi qaldırılmadı, sadəcə araşdırma aparırdılar", deyə o qeyd edib.
C.Nəbi bildirib ki, araşdırma onların daxili işidir.
"Sadəcə araşdırdılar və azad etdilər. İstintaqda mənə sual veriblər və azad ediblər. Mənə qarşı qeyri-insani rəftar olmayıb", deyə o qeyd edib.
Ceyhun Nəbi 3 ay Rusiyada qaldıqdan sonra oktyabrın 23-də yaşadığı Şəmkir rayonuna gəlib. Bir neçə saat sonra dostları ilə görüşmək üçün evdən çıxıb və bu zaman saxlanılıb.
Ceyhun Nəbi cümhuriyyət dövrünün araşdırıcısıdır, "Sovetlərlə üz-üzə" kitabının müəllifidir. Həmçinin Facebook-da Azərbaycan hakimiyyətini kəskin tənqidi fikirləri ilə fərqlənir.
Öz növbəsində, rəsmi qurumlar müxalifət fəalının saxlanılma səbəbləri ilə bağlı hələ hər hansı məlumat yaymayıb. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz