Bakı/10.05.18/Turan:Mayın 10-da Bakı Ağır Cinayətlər Məhkəməsində "Bizim dövr" qəzetinin baş redaktoru Surxay Əliyev və onun müavini Hikmət Nəcəflinin cinayət işi üzrə məhkəmə istintaqı başa çatıb. S.Əliyev və H.Nəcəflinin barədə iki il sınaq müddəti təyin edilməklə şərti cəza seçilib və onlar məhkəmə zalından azadlığa buraxılıblar.
Digər təqsirləndirilən şəxslər Maarif Abbasov, İlahə Qasımova və Gülbəniz Əliyevanın barəsində də şərti cəza seçilib.
Mühakimə olunanlar arasında ancaq Sevinc Məmmədsalayeva 6 il 6 ay müddətinə azadlıqdan məhrum edilib.
Xatırladaq ki, Dövlət Təhlükəsizliyi Xidməti (DTX) əməkdaşlarının keçirdiyi əməliyyat zamanı "Gündəlik Bakı" qəzetinin baş redaktoru Habil Vəliyev, "Bizim dövr" qəzetinin baş redaktoru S. Əliyev və onun müavini Hikmət Nəcəfli saxlanılıb.
Bu şəxslər qanunsuz olaraq gizli çəkilişlər aparmaqda, reketçilikdə, hədə-qorxu ilə tələb etməkdə ittiham olunublar.
DTX tərəfindən aparılan araşdırmaların nəticələri üzrə hədə-qorxu ilə tələb etmə, əməliyyat-axtarış fəaliyyətini həyata keçirmək səlahiyyətinə malik olmayan şəxslər tərəfindən gizli qaydada informasiya alınması üçün nəzərdə tutulmuş texniki vasitələrdən istifadə etməklə belə tədbirlərin keçirilməsi faktları üzrə cinayət işi başlanılmısdı. -05D06--
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz