Bakı/27.06.19/Turan: İyunun 27-də Bakıda "Haqqına Sahib Çıx!" kampaniyasının açılış mərasimi keçirilib.
Reproduktiv sağlamlığa və hüquqlara həsr olunmuş kampaniyanı Regional İnkişaf Uğrunda Qadınlar Cəmiyyəti (RİQC) həyata keçirir.
RİQC-in rəhbəri Şəhla İsmayıl bildirib ki, kampaniyanın əsas məqsədi Azərbaycanda reproduktiv sağlamlıq və hüquqlarla bağlı dövlətin, ictimayyətin mövqeyini dəyişmək yolu ilə bu sahədə səhlənkarlıq və korrupsiyanı aradan qaldırmaqdır.
"Ölkədə reproduktiv sağlamlıqla bağlı dəqiq rəsmi statistika yoxdur. Reproduktiv sağlamlıqla bağlı vəziyyət acınacaqlıdır. Təəssüflər olsun ki, Azərbaycanda elə ailə yoxdur ki, bu sahədəki problemlərdən əziyyət çəkməsin. Biz tez-tez həkimlərin səhlənkarlığı ucbatından uşaq və ya ana ölümü, xəstəliyə yoluxma, selektiv abortlar haqqında xəbərləri oxuyuruq. Amma biz miqyas barədə dəqiq heç nə bilmirik, çünki dəqiq statistika yoxdur", deyə İsmayıl qeyd edib.
O əlavə edib ki, 10 ildən çoxdur Milli Məclis "Reproduktiv sağlamlıq haqqında" Qanunu qəbul edə bilmir.
İsmayılın sözlərinə görə, kampaniyaya aid www.cyr.az sayt yaradılıb. Həmin saytda reproduktiv sağlamlıqla bağlı sorğu və hekayələri yerləşdirmək üçün xüsusi bölüm var.
"Sorğulara cavab verərək, hekayəni yerləşdirərək, adamlar bu sahədə yeni problemlərin aşkarlanmasına və problemlərin miqyasının öyrənilməsinə kömək etmiş olurlar".--0--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz