Bakı/01.11.18/Turan: Sovet repressiyasının qurbanı olan şair Mikayıl Müşfiqin qalıqlarının tapılması ilə bağlı yaradılmış işçi qrup noyabrın 1-də ilk iclasını keçirib.
İclas işçi qrupun sədr müavini, Prezident Administrasiyasının rəhbəri Ramiz Mehdiyevin yanında keçirilib.
Prezident srəncamı ilə işçi qrup yaradılması bu məsələ haqqında KİV-lərdə yayılan materialların araşdırılması ilə bağlıdır.
İclasda Mikayıl Müşfiqin qalıqlarının aşkar edilməsi ilə bağlı KİV-lərdə gedən məlumatların öyrənilməsi, müvafiq arxiv materiallarının araşdırılması müzakirə edilib.
Şairə məxsus olduğu ehtimal olunan qalıqların DNK analizinin keçirilməsi və digər zəruri tədbirlərin görülməsi ilə əlaqədar tapşırıqlar verilib.
İşçi qrupun gördüyü işlər və əldə edilmiş nəticələr barədə ölkə ictimaiyyətini məlumatlandırmaq da nəzərdə tutulur.
İclasda işçi qrupun üzvləri və mütəxəssilər iştirak ediblər.
Xatırladaq ki, M.Müşfiq 1908-ci ildə anadan olub. 1938-ci ildə güllələnib. Ümumiyyətlə isə 1936-50-ci illərdəki sovet repressiyası müddətində Azərbaycanda 27 mindən çox adam güllələnib, 100 minlərlə insan sürgünə göndərilib. -05D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz