Salyan rayonunun 350-yə yaxın sakini Salyanda həbs olunan hüquq müdafiəçisi Emil Məmmədovla bağlı llham Əliyevə müraciət edib.
Müraciətdə prezidentdən onun işini diqqətdə saxlamaq xahiş edilir.
Müraciətdə deyilir:
“2007-ci il qeydiyyatdan keçmiş Demokratiyaya Yardım İctimai Birlik Salyan və ətraf rayonlarda əsasən vətəndaşların sosial və ekoloji problemlərinin həlli ilə məşğuldur.
Yerlərdə həllini tapa bilməyən problemlərin həlli üçün Sizə,Heydər Əiyev Fonduna və digər aidiyyatı orqanlara müraciət edir.
Ötən il dekabrında Salyan rayonunda ictimai vəsaitlərin xərclənməsi ilə bağlı qanunsuzluqlarla bağlı Sizə və Ramiz Mehdiyevə yazdığı rəsmi şikayətlərdən sonra Salyan İcra başçısı tərəfindən rayon toplantılarında Birliyin sədri Emil Məmmədov xalq düşməni elan edilib.
Aprelin 4-də Demokratiyaya Yardım İctimai Birliyinə təzəcə üzv olmuş Tofiq Qasımov qondarma ittihamla həbs edildi. Aprelin 7-dən başlayaraq icra başçısı birliyə qarşı cinayət işi açıb. Belə ki, o, büdcə təşkilatlarının rəhbərlərini zorla polisə göndərərək birliyə qarşı şikayət etməyə məcbur edib. Nəticədə birdən-birə ofisə gələrək Tofiq Qasımovdan şikayət edib.
Eyni zamanda, Tofiq Qasımova hədə-qorxu gəlməklə, Emilin əleyhinə ifadə alınıb ki, onu həmin idarələrə Emil göndərib. Nəticədə Emil Məmmədov mayın 13-də polisə çağrılıb və bir gün sonra məhkəmə prosesi baş tutub. 3 aylıq həbs qətimkan tədbiri seçilib.
Emil Məmmədovla bağlı qondarma ittihamların və həbs olunması Salyan icra başçısının korrupsiya fəaliyyətini açıqlamağı ilə birbaşa bağlıdır”. -16D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz