Daxili Işlər Nazirliyi (DİN) ATV telekanalının əməkdaşlarının döyülməsi ilə bağlı məlumat yayıb. İnsident iyunun 4-də saat 19:00 radələrində Şamaxıda “Yoxlama” layihəsi çərçivəsində çəkiliş zamanı baş verib.
Azər İsmayılov, Elgün Bayramlı, Loğman İsmayılov, Arif Quliyev, İlqar Quliyev və Polad Axundzadə “Şamaxı” yeməkxanasında döyülüblər. Obyektin sahibi Hüseyn Allahverdiyev və onun qohumu Elşad Osmanov jurnalistlərə hücum edərək telekanal əməkdaşlarını döyüblər, videokamera, səs qurğusu və digər avadanlıqları sındırıblar. Bu barədə DİN mətbuat xidmətinin məlumatında bildirilir. Toplanmış materiallar Şamaxı Rayon Prokurorluğuna göndərilib.
Prokurorluqdan məlumatı təsdiqləyərək bildiriblər ki, cinayət işinin açılması məsələsi təhqiqatın nəticələrindən asılı olaraq həll ediləcək.
Qeyd edək ki, telekanal özü bununla bağlı heç bir bəyanatla çıxış etməyib, hətta faktla bağlı məlumat verməyib.-16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz