![İbrahim Xudayi](https://turan.az/resized/media/2021/main/052100033176-750-500-resize.webp)
İbrahim Xudayi
Satirik şair dini şerinə görə fiziki təzyiqə məruz qalıb
Bakı/21.05.21/Turan: Mayın 20-də Salyan rayonunda bir neçə nəfər satirik şair İbrahim Xudayiyə hücum edib. Buna onun Facebook səhifəsində dini məzmunlu satirik şeri oxuması səbəb olub.
İbrahim Xudayi “Amerikanın səsi”nə müsahibəsində bildirib ki, hücum edənlər dini mövzuda yazdığı şeri Facebook profilindən silməyi və üzr istəməyi tələb ediblər.
“Onlardan biri, Turqut Cəbrayılov mənə zərbələr endirdi. Bu gün polisə şikayət etdim. İndi polis Turqut Cəbrayılovu saxlayıb. Amma mən qorxuram. Yenə axşam gələ bilərlər. Dünən axşam da gəlib başıma və ayaqlarıma vurdular. Əllərindən güclə qaçdım”, - o qeyd edib.
Öz növbəsində, Daxili İşlər Nazirliyinin mətbuat xidmətinin kütləvi informasiya vasitələri və ictimaiyyətlə əlaqələr şöbəsinin rəisi Elşad Hacıyev “Amerikanın səsi”nə bildirib ki, polis İbrahim Xudayinin təhlükəsizliyi ilə bağlı müvafiq tədbirlər həyata keçirir.
“Bu gün İbrahim Xudayinin döyülməsilə bağlı şikayəti əsasında əvvəllər məhkum edilmiş Turqut Cəbrayılov Salyan rayon polis şöbəsinə çağırılıb. Hazırda müvafiq qaydada təhqiqat araşdırması aparılır. Təhqiqat araşdırması və təyin edilmiş ekspertizanın nəticələrindən asılı olaraq Cəbrayılovun əməlinə hüquqi qiymət veriləcək”, - o qeyd edib.
Xatırladaq ki, 2011-ci ilin noyabrında Azərbaycanda publisist Rafiq Tağı dini mövzuda yazdığı tənqidi məqaləsindən sonra bıçaqlanıb və xəstəxanada vəfat edib. Rafiq Tağının ölümü ilə bağlı qaldırılmış cinayət işi üzrə hələ heç kim təqsirləndirilən şəxs qismində istintaqa cəlb edilməyib. -03-
-
- Cəmiyyət
- 21 May 2021 16:38
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz