Açiq mənbələrdən foto.
Bakı/21.05.21/Turan: Masallı Rayon Mənzil Kommunal Təsərrüfat İstehsalat Birliyində qanunsuzluqlar aşkar edilib. Bu barədə Masallı Rayon Prokurorluğunun mayın 21-də yaydığı məlumatda deyilir.
Məlumata görə, aparılan araşdırma zamanı məlum olub ki, 2019-2020-ci illərdə qurumda işə götürülərək ictimai işlərə cəlb olunan işçilərin bəzisi qismən, bəzisi isə ümumiyyətlə, işə gəlməyib.
Amma bununla belə bu əməkdaşlara 32 min manat əməkhaqqı ödənilib. Birliyin aktına görə, qurumun balansında olan avtomobillərin 3 min 700 manat dəyərində ehtiyat hissələri əsassız tərtib edilib.
Faktla bağlı Masallı Rayon Prokurorluğunda Cinayət Məcəlləsinin 179.2.3-ci (şəxs tərəfindən öz qulluq mövqeyindən istifadə etməklə mənimsəmə) və 308.1-ci (vəzifə səlahiyyətlərindən sui-istifadə) maddələrilə cinayət işi başlanıb.-05B-
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz